सुर्खेत । नेपाल बचत तथा ऋण केन्द्रीय सहकारी संघ लि. (नेफ्स्कून) संग  समाज कल्याण बचत तथा ऋण सहकारी संस्था लि. बीरेन्द्रनगर न.पा. २, सुर्खेत नियमित निरिक्षण अनुगमन कार्यक्रम (स्क्यान) मा मंसिर २६ गते आबद्ध भएको छ । 

सहकारी ऐन २०७४ को दफा ९९ मा व्यवस्था भए बमोजिम संघद्धारा शुरुवात गरिएको यस कार्यक्रमले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ । 

स्क्यान नेफ्स्कूनद्वारा सञ्चालित एक नियमित निरीक्षण तथा अनुगमन कार्यक्रम हो । यो कार्यक्रम बचत तथा ऋण सहकारी संस्थाहरूको वित्तीय सुशासन, जोखिम व्यवस्थापन र गुणस्तर सुनिश्चितता कायम गरी सदस्यहरूको बचतलाई सुरक्षित र स्वस्थ बनाउने विशिष्ट उद्देश्यका साथ लागू गरिएको हो । नेफ्स्कूनका पूर्ववर्ती स्तरीकरण कार्यक्रमहरू (जस्तैः एक्सेस, प्रोवेसन,कव्स) को परिमार्जित र एकीकृत स्वरूप हो । 

नेफ्स्कून सुर्खेत सदस्य सेवा कार्यालय इन्चार्ज मदन कुमार चन्द र समाज कल्याण साकोसाट सचिव कृष्ण बहादुर बुढा, व्यवस्थापक गोकर्ण पौडेल को रोहबरमा प्रथम पक्ष नेफ्स्कून, कार्यक्रम अधिकृत प्रविन अधिकारी र देस्रो पक्ष समाज कल्याण साकोस, अध्यक्ष बल बहादुर रोकाय को हस्ताक्षर गरि नियमित निरिक्षण अनुगमन कार्यक्रम (स्क्यान) मा  सम्झौता सम्पन्न भएको थियो ।