चितवन। नेपाल बचत तथा ऋण केन्द्रीय सहकारी संघ लि. (नेफ्स्कून) द्वारा सञ्चालन गरिएको नियमित निरीक्षण तथा अनुगमन (स्क्यान) कार्यक्रममा चितवन स्थित चितवन जिल्ला बचत तथा ऋण सहकारी संघ लि. पुष ९ गते औपचारिक रूपमा आबद्ध भएको छ।

सहकारी ऐन, २०७४ ले प्रदान गरेको कानुनी आधारमा सम्पन्न सम्झौताअनुसार सहकारी संस्थाहरूले जोखिम व्यवस्थापन, वित्तीय विश्लेषण, सेवा गुणस्तर अभिवृद्धि तथा संस्थागत पृष्ठपोषणलाई प्राथमिक कार्यक्षेत्रका रूपमा अघि बढाउने प्रतिबद्धता जनाएका छन्। स्क्यान कार्यक्रमअन्तर्गत अब ती सहकारीहरूले नेफ्स्कूनद्वारा स्वीकृत तथा अन्तर्राष्ट्रिय मान्यता प्राप्त प्रणाली मार्फत नियमित सुपरिवेक्षण, वित्तीय सूचकाङ्क मूल्याङ्कन, आन्तरिक नियन्त्रण परीक्षण तथा सेवा प्रवाहका गुणस्तरीय मापदण्डमा आधारित निरन्तर अनुगमन प्राप्त गर्नेछन्।

यो कार्यक्रम बचत तथा ऋण सहकारी संघ संस्थाहरूको वित्तीय सुशासन, जोखिम व्यवस्थापन तथा गुणस्तर सुनिश्चितता कायम गर्दै सदस्यहरूको बचतलाई सुरक्षित र स्वस्थ बनाउने उद्देश्यका साथ लागू गरिएको हो ।

सम्झौता कार्यक्रममा नेफ्स्कूनका सदस्य सेवा विभाग प्रमुख दुर्गाप्रसाद ढकाल र चितवन जिल्ला बचत तथा ऋण सहकारी संघ लि. का अध्यक्ष विद्या कोइरालाले हस्ताक्षरमा चितवन जिल्ला बचत संघका कोषाध्यक्ष गोविन्दप्रसाद भट्टराई, सञ्चालक सदस्य नारायणप्रसाद कँडेल, प्रभु प्रसाद महतो, सानुमाया थापा, ऋण लगानी तथा असुली उपसमिति सदस्य प्रदीप वाग्ले, व्यवस्थापक अनिता न्यौपाने, कार्यक्रम अधिकृत पुरुषोत्तम ढकाल, उपाध्यक्ष शान्ति अधिकारी तथा चितवन सदस्य सेवा कार्यालयका व्यवसाय अधिकृत यमकला सुवेदी लगायतको उपस्थिति रहेको थियो।