काठमाडौं । नेपाल वचत तथा ऋण केन्द्रीय सहकारी संघ लि. (नेफ्स्कून) ले सहकारीहरुको लागि ल्याएको नियमित निरिक्षण अनुगमन (स्क्यान) कार्यक्रममा काठमाडौं महानगरपालिका वडा नं ७ मा रहेको नवसृजनशील साकोस र नागार्जुन न पा मा रहेको स्यूचाटार साकोस पुष ०९ गते आबद्ध भएका छन् । 

नेफ्स्कूनको स्क्यान कार्यक्रमले संस्थामा सृजना हुने वित्तीय जोखिम, कानुनी जोखिम, सञ्चालन तथा सुशासन जोखिम ,ऋण जोखिम, तरलता जोखिम र बजार जोखिम न्यूनिकरणमा योगदान गर्नुको साथै सुरक्षित संस्थाको प्रात्याभूती हुनेमा संस्थाका अध्यक्ष विश्वनाथ अर्याल र रामेश्वर प्रसाद गौतमले बताउनु भयो ।  

आवद्धता संगै  संस्थाको नियमित निरिक्षण अनुगमन कार्य पनि सम्पन्न भएको छ । यस सन्दर्भमा  स्यूचाटार साकोसका प्रमुख कार्यकारी अधिकृत  मधुकर काफ्ले र नव सृजनशील साकोसका व्यवस्थापक अर्जुन अर्यालले संस्था थप सुरक्षित, संस्थागत सुदृढीकरण र संरक्षणमा रहने बताउनु भयो । उहाँले सुरक्षित संस्था निर्माण मा यस कार्यक्रमले थप टेवा मिल्ने बताउनु भयको छ ।