मकवानपुर । नेपाल बचत तथा ऋण केन्द्रीय सहकारी संघ लि. (नेफ्स्कून) बाट हरियाली स्वावलम्वन साकोस बकैया गाँउपालिका ९, कुसुमदमार मकवानपुरको स्क्यान अन्र्तगत पहिलो निरिक्षण तथा प्रोवेसन नियमित स्थलगत सुपरिवेक्षण पौष १५ गते सम्पन्न भएको छ । 

संस्थामा नियमित सुधार, आन्तरिक सुदृढिकरण सहित सुरक्षित र बलियो संस्था निर्माण गर्ने उद्देश्य सहित स्क्यान कार्यक्रममा आवद्ध भएको यस संस्थाको स्थलगत सुपरिवेक्षणका क्रममा संस्थाको वित्तीय अवस्था, सदस्यता, सम्पत्ति शुद्धिकरण निवारण सम्वन्धमा नीतिगत अवस्था तथा कार्यान्वयन, नियामकीय व्यवस्थाको परिपालना र सुशासन व्यवस्थापनका आधारभूत पक्षहरुको  निरीक्षण गर्दै सुधारका क्षेत्रमा आवश्यक सुझाव पेश गर्दै सम्पन्न गरिएको थियो । 

संस्थाको व्यवस्थापक राम बहादुर घले नेफ्स्कूनको स्तरीकरण कार्यक्रमको नियमित सुपरिवेक्षणबाट संस्थाको सदस्य सम्वन्ध विकास, आन्तरिक सुदृढीकरण र व्यवसायिकतामा सहयोग पुगेको बताउनु भयो । स्थलगत सुपरिवेक्षणका क्रममा संस्थाका अध्यक्ष होमनाथ घिमिरेले यस कार्यक्रमबाट संस्थाको नीति निर्माण तथा अद्यावधिक गर्न, नियामकीय प्रतिवेदन समयमा गर्दै सुशासन कायम गर्न, सदस्यहरुको विश्वास तथा संरक्षणमा सहयोग पुग्ने तथा निरन्तर सुपरिवेक्षण र मार्गदर्शनको अपेक्षा गरेको बताउनुभयो । नेफ्स्कूनको नियमित सुपरिवेक्षणबाट हालसम्म संस्था सुधारमा प्रभावकारी मार्गदर्शन प्राप्त गरेको तथा संस्थाको निरन्तर विकासमा साकोसको सञ्चालक र व्यवस्थापन टीम सक्रिय रहने बताउनु भयो । स्क्यान तथा प्रोवेसनको स्थलगत सुपरिवेक्षण कार्यक्रम अधिकृत सोविता मैनालीले गर्नु भएको थियो ।