काभ्रे । काभ्रे, स्थित चण्डेश्वरी बचत तथा ऋण सहकारी संस्था लि. र बिन्धवासिनी बचत तथा ऋण सहकारी संस्था लि. नेपाल बचत तथा ऋण केन्द्रीय सहकारी संघ लि.(नेफ्स्कून) ले सञ्चालनमा ल्याएको स्क्यान कार्यक्रममा पौष २३  गते आबद्ध भएको छ ।

नेफ्स्कूनको तर्फबाट चण्डेश्वरी  साकोसमा सहायक कार्यकारी अधिकृत दुर्गा प्रसाद ढकाल कार्यक्रम अधिकृत राजन सुवेदी, बनेपा सदस्य कार्यालयका इन्चार्ज उमेश कोइराला  र अनुगमन सहजकर्ता  लक्ष्मी प्रसाद मानन्धर, दिनेश सत्याल दोस्रो पक्ष बाट चण्डेश्वरी  साकोसका अध्यक्ष नविन भक्त बादे ,व्यवस्थापक रविन्द्र भक्त पोटे सहित सबै संचालक समिति सदस्यको उपस्थिति रहेको थियो भने बिन्धवासिनी  साकोसमा सहायक कार्यकारी अधिकृत दुर्गा प्रसाद ढकाल  कार्यक्रम अधिकृत राजन सुवेदी, बनेपा सदस्य कार्यालयका इन्चार्ज उमेश कोइराला  र अनुगमन सहजकर्ता  लक्ष्मी प्रसाद मानन्धर, दिनेश सत्याल दोस्रो पक्ष बाट बिन्धवासिनी  साकोसका प्रमुख कार्यकारी अधिकृत के. बि. लामा , नायब प्रमुख कार्यकारी अधिकृत त्रिलोचन घिमिरेको उपस्थिति रहेको थियो । प्रथम पक्षको तर्फबाट सहायक कार्यकारी अधिकृत सदस्य सेवा बिभाग प्रमुख दुर्गा प्रसाद ढकालको हस्ताक्षरमा सम्झौता सम्पन्न भएको थियो । साकोसका अध्यक्षले स्क्यान कार्यक्रममा नियमित निरीक्षणमा रहि सुचकहरुको पालना गरि साकोसलाई थप उचाईमा पुर्याउने बिश्वास ब्यक्त गर्नुभयको छ ।

सहकारी ऐन, २०७४ को दफा २५ र दफा ९९ द्वारा प्रदान गरिएको कानुनी आधारमा सम्पन्न सम्झौता अनुसार सहकारी संस्थाहरूले जोखिम व्यवस्थापन, वित्तीय विश्लेषण, गुणस्तरीय सेवा अभिवृद्धि तथा संस्थागत पृष्ठपोषणलाई प्राथमिक कार्यक्षेत्रका रूपमा अघि बढाएको छ । सहकारीलाई थप ब्यवस्थित बनाउन नियमनकारी निकायहरुद्धारा दिईएका निर्देशिका अनुरुप साकोसले परिपालना गर्नुपर्ने निति नियमको पालना अवस्थाको बिश्लेषण गर्ने कार्य गर्न संघले नियमित सुपरिवेक्षण, वित्तीय सूचकाङ्क मूल्यांकन, आन्तरिक नियन्त्रण परीक्षण स्क्यानका सूचकका आधारमा निरन्तर अनुगमन गर्नेछ ।

स्क्यान कार्यक्रमले साकोसहरुको वित्तीय सुशासन, सम्पत्ति शुद्धिकरण कार्यान्वयन अधिकारीले सम्बन्धित निकायमा तोकिए बमोजिम रिर्पोटिगं गर्ने कार्य, भाखा नाघेको ऋण असुलिमा प्रभावकारिता, जोखिम व्यवस्थापन, सक्षमता बिकास गर्न गुणस्तर सुनिश्चितता कार्यक्रम मार्फत ब्राण्ड प्राप्त गर्न, योजनाबद्ध रुपमा साकोस संचालन सुनिश्चित गर्न, सहकारी मैत्रि ब्यवस्थापन सुनिश्चित गर्न, क्युरिमा ३६० अनुरुप क्षेत्रगत जोखिम न्युनिकरण गर्न र सदस्यहरूको बचतलाई सुरक्षित र स्वस्थ बनाउने विशिष्ट उद्देश्यका साथ लागू गरिएको हो ।