चितवन । नेपाल बचत तथा ऋण केन्द्रीय सहकारी संघ लि. (नेफ्स्कून) चितवन सदस्य सेवा कार्यालयको आयोजनामा राष्ट्रिय सहकारी नियमन प्राधिकरण सम्बन्धी दर्ता तथा अभिलेखीकरण कार्यक्रम चितवनमा नेफ्स्कूनका उपाध्यक्ष शान्ति अधिकारीको अध्यक्षतामा पौष २९ गते कालीगण्डकी साकोसको सभाहल कावासोतीमा सम्पन्न भएको छ ।  

कार्यक्रममा नवलपुर जिल्ला बचत सघका अध्यक्ष बद्रीनाथ नेपाल र नवलपुर जिल्लाका १५ वटा  बढी साकोसका प्रतिनिधिहरूको सहभागिता रहेको थियो । कार्यक्रममा सहकारी संस्थाहरूलाई राष्ट्रिय सहकारी नियमन प्राधिकरणमा दर्ता तथा अभिलेखीकरण प्रक्रिया सम्बन्धी  आवश्यक जानकारी प्रदान गरिएको थियो ।

कार्यक्रमको सहजिकरण नेफ्स्कून सदस्य सेवा चितवन प्रमुख यमकला सुबेदीले गर्नुभएको थियो । दर्ता प्रक्रियाको महत्व, दर्ता प्रक्रियाको लागी आवश्यक कागजात, र अभिलेखीकरण गर्दा ध्यान दिनुपर्ने विषयहरूबारे प्रयोगात्मक प्रशिक्षण दिईएको थियो ।

कार्यक्रमको व्यवस्थापन चितवन सदस्य सेवा कार्यालयका कर्मचारी  केदार अधिकारी र सन्तोष अधिकारीले गर्नु भएको थियो । कार्यक्रमले सहकारी संस्थाहरूलाई राष्ट्रिय सहकारी नियमन प्राधिकरणमा दर्ता तथा अभिलेखिकरण गर्नको लागी सहजता हुनुको साथै नियमनको दायराभित्र ल्याउन र सहकारी क्षेत्रलाई सुदृढ बनाउन महत्वपूर्ण योगदान पुर्याउने अपेक्षा गरिएको छ ।