मकवानपुर ।  गत वर्षदेखि माघ १४ गतेलाई सम्पत्ति शुद्धिकरण निवारण दिवसका रूपमा मनाउँदै आइएको छ। यसै अवसरमा नेपाल बचत तथा ऋण केन्द्रीय सहकारी संघ लि. (नेफ्स्कून) मकवानपुर सदस्य सेवा कार्यालयको आयोजनामा हेटौंडामा सम्पत्ति शुद्धिकरण निवारणसम्बन्धी तालिम माघ १४ गते सम्पन्न भएको छ।

कार्यक्रमका सहजकर्ताका रूपमा चार्टर्ड एकाउन्टेन्ट (सिए) राजकुमार फुँयालले सम्पत्ति शुद्धिकरण निवारणसम्बन्धी कानुनी व्यवस्था, कार्यान्वयन प्रक्रिया तथा सचेतनाका विषयमा सहभागीलाई जानकारी गराउनु भएको थियो। 

माघ १४ गते नै सम्पत्ति शुद्धिकरण निवारण विभाग गठन भएको स्मरणमा गत वर्षदेखि यस दिवसलाई औपचारिक रूपमा मनाउन थालिएको हो। यस दिवसको उद्देश्य सम्पत्ति शुद्धिकरण सचेतना अभिवृद्धि गर्नु तथा सम्बन्धित निकाय र सरोकारवालाको क्षमता विकास गर्नु रहेको छ।

नेफ्स्कून मकवानपुर सदस्य सेवा कार्यालय प्रमुख ज्योति महतद्धारा सञ्चालित कार्यक्रममा ४० जना भन्दा बढीको सहभागिता रहेको थियो ।