सुनसरी । सुनसरी, बुढिगंगा गाँउपालिका ०४, मोरङ स्थित महालक्ष्मी बचत तथा ऋण सहकारी संस्था लि. नेपाल बचत तथा ऋण केन्द्रीय सहकारी संघ लि। (नेफ्स्कून) को नियमित निरिक्षण तथा अनुगमन कार्यक्रम स्क्यान मा माघ १८ गते आबद्ध भएको छ । 

संघले संघरसंस्थाहरुको नियमित रुपमा निरीक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न, स्तरीकरण कार्यक्रम एक्सेस, प्रोवेसन तथा कब्र्स गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वनियमन सक्षमता विकासको लागि नयाँ परिमार्जन कार्यक्रम स्क्यान ल्याएको हो ।

सहकारी ऐन, २०७४ को दफा २५ र दफा ९९ द्वारा प्रदान गरिएको कानूनी आधारमा सम्पन्न सम्झौता अनुसार सहकारी संस्थाहरूले जोखिम व्यवस्थापन, वित्तीय विश्लेषण, गुणस्तरीय सेवा अभिवृद्धि तथा संस्थागत पृष्ठपोषणलाई प्राथमिक कार्यक्षेत्रका रूपमा अघि बढाएको छ । सहकारीलाई थप ब्यवस्थित बनाउन नियमनकारी निकायहरुद्धारा दिईएका निर्देशिका अनुरुप साकोसले परिपालना गर्नुपर्ने निति नियमको पालनाको अवस्थाको बिश्लेषण गर्ने कार्य गर्न संघले नियमित सुपरिवेक्षण, वित्तीय सूचकाङ्क मूल्यांकन, आन्तरिक नियन्त्रण परीक्षण स्क्यानका सूचकका आधारमा निरन्तर अनुगमन गर्नेछ ।

महालक्ष्मी बचत तथा ऋण सहकारी संस्था लि। का प्रमुख सल्लाहकार तथा नेफ्स्कून सञ्चालक सदस्य लक्ष्मी सापकोटा, महालक्ष्मी साकोसका अध्यक्ष खेमराज गौतम, उपाध्यक्ष टंक बहादुर बिष्ट,सचिव केशव प्रसाद ढुंगाना,सह सचिव अहमद मिया, सञ्चालक सदस्य लोचन प्रसाद पौडेल, प्रकाश भट्टराई, लेखा सुपरिबेक्षण समिति सदस्य कमला खड्का, सह लेखापाल सीता तिमल्सीना, नेफ्स्कूनका कार्यक्रम अधिकृत मुकेश दाहाल, सहजकर्ता बिन्दा भट्टराईको रोहबरमा संस्थाका ब्यबस्थापक चुडामणी रेग्मी तथा संघका सदस्य सेवा विभाग प्रमुख दुर्गा प्रसाद ढकालको हस्ताक्षरमा सम्झौता सम्पन्न भएको थियो ।