काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) का अध्यक्ष चन्द्रप्रसाद ढकालको अध्यक्षतामा सङ्घ्को सल्लाहकारहरूको बैठक चैत्र १७ गते सम्पन्न भएको छ । बैठकमा संघको वर्तमान अवस्था, हालसम्म हासिल भएका उपलब्धिहरू तथा देखा परेका चुनौतीहरूको समग्र समीक्षा गर्दै भावी रणनीति र मार्गचित्र सम्बन्धमा गहन र सार्थक छलफल भएको थियो ।

बैठकमा संघका अध्यक्ष, प्रमुख कार्यकारी अधिकृत तथा सल्लाहकारहरूको उपस्थितिमा बसेको बैठकमा विशेषगरी सहकारी क्षेत्रसँग सम्बन्धित हालका कानुनी व्यवस्थाहरू, त्यसबाट सिर्जित अवसरहरू तथा सम्भावित चुनौतीहरूका विषयमा विस्तृत रूपमा विचार–विमर्श गरिएको थियो । छलफलका क्रममा सल्लाहकारहरूले आफ्ना अमूल्य अनुभव, दूरदर्शी दृष्टिकोण तथा व्यावहारिक सुझावहरू प्रस्तुत गर्दै संघलाई अझ सुदृढ, पारदर्शी र प्रभावकारी बनाउने दिशामा महत्वपूर्ण मार्गदर्शन प्रदान गर्नुभएको छ ।

उक्त बैठकले संघको दीर्घकालीन लक्ष्य हासिल गर्ने क्रममा आवश्यक नीतिगत स्पष्टता, रणनीतिक दिशा तथा कार्यान्वयन क्षमतामा थप ऊर्जा, प्रेरणा र प्रतिबद्धता अभिवृद्धि गर्ने विश्वास लिइएको छ ।