नवलपरासी, बर्दघाट । नेपाल भूतपूर्व सैनिक बचत तथा ऋण सहकारी संस्था लि.को आयोजना र नेपाल वचत तथा ऋण केन्द्रीय सहकारी संघ लिमिटेड (नेफ्स्कून) को प्राविधिक सहयोगमा वैशाख २६ गते सञ्चालक तथा कर्मचारीहरुको क्षमता विकासका लागि तालिम सम्पन्न भएको छ । 

आयोजक संस्थाको सभाहलमा सम्पन्न तालिममा संस्थाका सञ्चालक समिति, लेखा सुपरिवेक्षण समिति, सल्लाहकार, उपसमिति र व्यवस्थापन गरी २४ जनाको सहभागिता रहेको थियो । 

संस्थाका अध्यक्ष कमल नारायण श्रेष्ठ को अध्यक्षतामा सञ्चालन भएको तालिमको प्रमुख अतिथि संस्थाका संस्थापक अध्यक्ष एंव संरक्षक छम वहादुर शाहीको प्रमुख आतिथ्य रहेको तालिमको सहजीकरण नेफ्स्कूनका बरिष्ठ अधिकृत कोमल राज अधिकारीले गर्नुभएको थियो । 

वैशाख २५ र २६ गते दुई दिवसीय तालिममा सहकारीको अवधारणा, मुल्य मान्यता र सिद्धान्तहरुको व्यवहारिक प्रयोग, समिति, लेखा समिति र व्यवस्थानको भुमिका, ऋण लगानी तथा असुली र ऋण जोखिम, वित्तीय विश्लेषण तथा पूँजी पर्याप्तताको विषयमा सहजिकरण गरिएको थियो । 

तालिमको समापनमा वोल्दै तालिमका सहभागीहरुले तालिम व्यवहारिक भएको र भोलीका दिनमा संस्थालाई जोखिम न्यूनिकरण गर्दै सञ्चालन गर्नको लागि तालिम धेरै उपयोगी रहेको बताउनुभएको छ ।