काठमाडौं । जिल्ला सहकारी संघ काभ्रेको ३९औं साधारणसभाले दिलिप शर्माको अध्यक्षतामा नयाँ सञ्चालक समिति निर्विरोध निर्वाचित गरेको छ । पुस २७ गते सम्पन्न संघको वार्षिक साधारणसभाले शर्माको नेतृत्व आगामी ४ वर्षे कार्यकालका लागि नयाँ नेतृत्व चयन गरेको हो ।  संघको उपाध्यक्षमा अमन पोटे, उपाध्यक्ष लामा कमला अधिकारी र कोषाध्यक्षमा राजन शाक्य निर्वाचित हुनुभएको हो । त्यसैगरी संघको सदस्यहरुमा यदुनाथ हुमागाईं, सुदर्शन अधिकारी, ठाकुरनाथ अधिकारी, राधिका दाहाल घिमिरे, मञ्जु घिमिरे, दिपक थापा, अर्जुन प्रसाद सापकोटा, कमल प्रसाद कुइंकेल, शान्ति लामा तामाङ र हिमाली श्रेष्ठ चयन भएका हुन् । त्यसैगरी संघको लेखा सुपरीवेक्षण समिति संयोजकमा शम्भुलाल श्रेष्ठ र सदस्यहरुमा सरस्वती चिमौरिया र गणेशप्रसाद भट्टराई चुनिनुभएको हो । 

संघका नवनिर्वाचित अध्यक्ष दिलिप शर्माले सबैको सहमतिमा सञ्चालक समिति बनेको भन्दै एकताको आधारमा काभ्रेको सहकारी अभियानलाई मुलुकभर चिनाउने प्रतिबद्धता व्यक्त गर्नुभयो । शहरकेन्द्रित सहकारी अभियानलाई गाउँसम्म लैजानका निम्ति १३ वटै पालिकाहरुमा समन्वय र सम्पर्क बढाई काम गर्ने उहाँले बताउनुभयो । जिल्लामा रहेका १४९५ संस्थालाई नै संघमा आबद्ध गराउन पहल गर्ने र सहकारी क्षेत्रका चुनौतिहरुको सामना गर्दै मर्यादित, व्यवस्थित र सदस्यकेन्द्रित बनाउन नयाँ सञ्चालक समिति लागिपर्ने शर्माले बताउनुभयो ।