काठमाडौं । इन्डोनेसियाको बालीमा जारी अक्कू फोरम २०२४ मा घरेलु तीन वटा संस्थाले एक्सेस ब्राण्ड २०२४ प्राप्त गरेका छन् । फिलिपिन्स र नेपालले एक एक प्राप्त गरेका छन् ।

इन्डोनेसियाको सावान सिवारुङले एक्सेस गोल्ड ब्राण्ड प्राप्त गरेको छ । गत वर्ष पनि सावान सिवारुङले एक्सेस गोल्डसहित सुशासन उत्कृष्टतासम्बन्धी स्तरीकरण कार्यक्रम क्यूलेग अन्तर्गत ब्राण्ड प्राप्त गरेको थियो । अकूले पहिलो पटक गत वर्षबाटै क्यूलेग ब्राण्ड सुरु गरेको थियो ।

यसैगरी, फिलिपिन्सको टागुम कोअपरेटिभले पनि एक्सेस गोल्ड ब्रान्ड प्राप्त गरेको छ । गत वर्ष पनि टागुमले एक्सेस गोल्ड नै प्राप्त गरेको थियो । यस्तै, इन्डोनेसियाको केएसपीपुस्कोपले एक्सेस सिल्भर प्राप्त गरेको छ भने नेपालको जनउत्थान साकोस र इन्डोनेसियाको क्रेडिट युनियन सेजातेराले एक्सेस ब्रोञ्ज प्राप्त गरेका छन् ।

त्यस्तै, केएसपीपुस्कोपले क्यूलेग ब्राण्ड पनि हात पारेको छ । केएपसीपुस्कोप यो पटक दुईवटा ब्राण्ड हासिल गर्न सफल भएको हो ।