सहकारी ऐन २०७४ को दफा ९९ बमोजिम नियमित निरिक्षण तथा अनुगमन सम्बधि व्यवस्था मुताबिक ३८औं स्थापना दिवसको दिन सार्वजनिक गरिएको नियमित निरिक्षण अनुगमन (स्क्यान) अभिमुखिकरण कार्यक्रम पोखरा पार्टि प्यालेसमा सम्पन्न भएको छ ।
नेपाल बचत तथा ऋण केन्द्रीय सहकारी संघ लिमिटेड (नेफ्स्कून) पोखरा सदस्य सेवा कार्यालयको समन्वयमा नियमित निरिक्षण अनुगमन स्क्यान अभिमुखिकरण कार्यक्रम पोखरामा सम्पन्न भएको हो ।

कार्यक्रमको सहजिकरण गर्दै नेफ्स्कूनका प्रमुख कार्यकारी अधिकृत डा. शिवजी सापकोटाले संघ÷संस्थाहरुको नियमित रुपमा निरीक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न,स्तरीकरण कार्यक्रम एक्सेस, प्रोवेसन तथा कब्र्स गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वनियमन सक्षमता विकासका लागि नयाँ कार्यक्रम  (SCAN)  ल्याएको जानकारी गराउँदै यसको भरपुर फाईदा उठाउन सहकारीहरुलाई अनुरोध गर्नु भएको थियो ।

संघका अध्यक्ष चन्द्र प्रसाद ढकालको अध्यक्षतामा भएको अभिमुखीकरण कार्यक्रममा सहकारीका समसामयिक वस्तुस्थिति र सहकारी नियमन प्राधिकरणको संस्था दर्ता प्रक्रियाका बारेमा तथा कार्यक्रममा साकोसका व्यवस्थापकहरुबाट उठेका प्रश्नहरुको उत्तर दिनुभएको थियो ।  
व्यवसाय प्रमुख सुरज चालिसेले संचालन गर्नु भएको उक्त कार्यक्रममा नेफ्स्कूनका संचालक कमला गिरी लगाएत  ३५ वटा सस्थाबाट ६० जनाको सहभागिता रहेको थियो ।