सर्लाही ।  जिल्लाको बयलवासस्थित स्वस्तिक बचत तथा ऋण सहकारी संस्था लि.को अध्यक्षमा पुनः बेनीबहादुर कार्की चयन हुनु भएको छ । आज सम्पन्न संस्थाको २० औँ वार्षिक साधारण सभाले पुनः कार्कीको अध्यक्षतामा ७ सदस्यीय सञ्चालक समिति चयन गरेको हो । समितिमा बाल्मिकी सिंह उपाध्यक्ष, बेचुप्रसाद तिमल्सिना सचिव, विष्णुहरि मैनाली कोषाध्यक्ष रहनुभएको छ भने सदस्यहरुमा पन्ची कुमारी, रामजी गिरी र कमलदेव चौधरी निर्वाचित हुनुभएको हो ।

यस्तै, ३ सदस्यीय लेखा समितिको संयोजकमा सहदेव सिंह तथा कमल कुमारी र फकिरा साह सदस्यमा चुनिनुभएको छ ।  कोरोना भाइरस संक्रमणले गर्दा विभिन्न ५ स्थानमा इकाई भेला गरी, त्यहाँबाट छानिएका ७५ जना सदस्यको उपस्थितिमा प्रदेश २ का सहकारी विभाग प्रमुख ओमनारायण झाको प्रमुख आतिथ्यतामा साधारण सभा सम्पन्न गरिएको संस्थाका प्रवन्धक विनोद कुमार थापाले जानकारी दिनुभयो । उहाँका अनुसार संस्थाले गत आर्थिक वर्ष २०७६÷०७७ मा ५२ लाख मूनाफा आर्जन गरेको छ भने त्यसबाट शेयर सदस्यहरुलाई १८ प्रतिसत लाभांस वितरण गर्ने निर्णय समेत गरेको छ ।