रुपन्देही । तिलोत्तमा नगरपालिका वडा नं. ५ मणिग्राम, रुपन्देहीस्थित सबैको बचत तथा ऋण सहकारी संस्था लि. ले महिला सेयर सदस्यहरुका लागि दुई दिवसीय आधारभूत सहकारी तथा नेतृत्व विकास तालिम सञ्चालन गरेको छ । 

वैशाख १९ र २० गते सञ्चालित तालिममा नेफ्स्कूनका सञ्चालक सदस्य तथा लुम्बिनी विशिष्टीकृत सहकारी संघका अध्यक्ष ज्ञानु पौड्याल, रुपन्देही जिल्ला बचत तथा ऋण सहकारी संघका व्यवस्थापक शर्मिला गौतम भट्टराई, संस्थाका अध्यक्ष भरतराज भूसाल र संस्थाका व्यवस्थापक हरिहर पौड्यालले सहजिकरण गर्नु भएको थियो । २ दिवसीय तालिममा पहिलो दिन सहकारीका आधारभूत जानकारी, सहकारी ऐन कानुन, नियमावलीका बारेमा तथा दोस्रो दिन नेतृत्व, सहकारीमा महिला नेतृत्व, सहकारीमा सुशासनको बारेमा सहजीकरण गरिएको थियो ।

सञ्चालक समिति कोषाध्यक्ष मीरा वश्याल पाण्डे शर्माले सञ्चालन गर्नु भएको कार्यक्रममा सञ्चालक सदस्य तथा शिक्षा उप समिति संयोजक देवकला भट्टराईको अध्यक्षता, सल्लाहकार गायत्री पाण्डेयको प्रमुख आतिथ्यता, सञ्चालक हीमकला ओस्तिको स्वागतमा कार्यक्रम सञ्चालन गरिएको थियो ।