कैलाली । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी क्षेत्रमा सुशासन, दिगोपन र वित्तीय अनुशासन प्रवर्द्धन गर्ने उद्देश्यका साथ नियमित स्थलगत सुपरिवेक्षण कार्यलाई निरन्तरता दिएको छ। सोही कार्यक्रमअन्तर्गतगोद गोदाबरी ०८, श्रीपुर, कैलालीस्थित एकता प्रगतिशील बचत तथा ऋण सहकारी संस्था लिमिटेड मा  मंसिर ३ गते स्थलगत सुपरिवेक्षण सम्पन्न गरेको छ।

सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ। निरीक्षणमा संस्थाको पुँजी पर्याप्तता, ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, MIS अद्यावधिक, सम्पत्ति शुद्धिकरण निवारण नीति (AML/CFT) र भाखा नाघेका ऋण असुलीका विषयहरू मूल्यांकन गरिएको थियो।

निरीक्षणका क्रममा सहकारीका बचत, ऋण, लेखापरीक्षण, लगानी, सेवा–सुविधा, सदस्य सहभागिता, नेतृत्वको पारदर्शिता तथा निर्णय प्रक्रियाका पक्षहरू समेत समग्र रूपमा मूल्यांकन गरिएको थियो। स्क्यानका सूचकमा आधारित अभ्यासमार्फत सहकारीको अवस्था विश्लेषण गर्दै वित्तीय जोखिम व्यवस्थापन र आन्तरिक सुधारका लागि आवश्यक सुझावहरू प्रदान गरिएको थियो।

नेफ्स्कूनको तर्फबाट कार्यक्रम अधिकृत प्रबिण अधिकारी र साकोसको तर्फबाट अध्यक्ष सुरत बहादुर बोगटी,कोषाध्यक्ष नन्दा भट्ट, सदस्य प्रेमलाल ओझा,व्यवस्थापक शेर बहादुर बोगटी लगायत उच्च ब्यबस्थापनको सहभागितामा सुपरिवेक्षण सम्बन्धी सुझाव र टिप्पणीहरूलाई आगामी दिनमा पल्स मापदण्डअनुसारका सूचकहरूलाई निरन्तरता दिने र सुधारका बुँदाहरूलाई कार्यान्वयनमा लैजाने प्रतिवद्धता व्यक्त भएको छ ।