धनुषा  । नेपाल बचत तथा ऋण केन्द्रीय सहकारी संघ लि. (नेफ्स्कून) जनकपुर सदस्य सेवा कार्यलयको आयोजनामा व्यवसाय प्रर्बद्धन तथा अन्तरकृया कार्यक्रम चैत्र २५ गते सम्पन्न भएको छ  ।

संघका अध्यक्ष चन्द्र प्रसाद ढकालको अध्यक्षतामा सम्पन्न भएको कार्यक्रममा सहकारीका स्थानीय तथा राष्ट्रिय समसामयिक सबाल ,संघको आगामी मर्गचित्र र परिवर्तित कानुनी बातारणमा सहकारीलाई अनुकुलन गरेर सञ्चालन गर्ने विधि बारे छलफल  भएको थियो । 

कार्यक्रममा नेफ्स्कूनद्धारा सञ्चालित नियमित निरीक्षण तथा अनुगमन (स्क्यान) कार्यक्रम र यसको महत्व ,नेफ्स्कून एम. आइ. एस. प्रणालीको प्रायोग ,केन्द्रीय तरलता कोष, स्थिरिकरण कोष लगाएतका विषयमा जानकारी दिनुका साथै सहभागीको तर्फबाट राखिएका जिज्ञासा र प्रश्नहरुको समेत संघका अध्यक्षबाट सम्बोधन गरिएको  थियो ।

४२ जनाको उपस्थितिमा सम्पन्न उक्त कार्यक्रमको  सहजीकरण जनकपुर  सदस्य सेवा कार्यालय प्रमुख राजेन्द्र ढकालले गर्नुभएको थियो भने कार्यक्रमको समग्र व्यवस्थापन बरिस्ठ सहायक सन्जय कर्ण र सहजकर्ता श्याम बुढाथोकीले गर्नुभएको थियो ।