नवलपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को आयोजना र जिल्ला बचत तथा ऋण सहकारी संघ लिमिटेड को व्यवस्थापनमा सहकारी सिद्धान्त अनुशिक्षण,  नियमित तथा अनुगमन  कार्यक्रमको अभिमुखीकरण कार्यक्रम कावासोती ,नवलपुरमा कार्तिक १२ गते सम्पन्न भएको छ ।

साकोसमा अनुगमन तथा निरिक्षण हुनु जरुरी छ र भएका कमी कमजोरी निराकरण गर्न यस्ता कार्यक्रमहरुको आवश्यकता रहेको कुरा कार्यक्रमको अध्यक्षता गरिरहनुभएका नेफ्स्कून सञ्चालक गोपाल प्रसाद गौतमले बताउनु भएको थियो । 

कार्यक्रमको सहजीकरण नेफ्स्कून सदस्य सेवा विभाग प्रमुख दुर्गा प्रसाद ढकालले गर्नुभएको थियो भने सञ्चालन चितवन सदस्य सेवा कार्यालय ईन्चार्ज यमकला सुवेदीले गर्नुभएको थियो । ३२ वटा साकोसबाट ५८ जनाको सहभागिता रहेको कार्यक्रममा स्वागत मन्तव्य नवलपुर जिल्ला बचत संघका अध्यक्ष बद्रीनाथ नेपालले राख्नुभएको थियो ।