नवलपुर । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले भरतपुर महानगरपालिका वडा नं ५ स्थित नारायणी बचत तथा ऋण सहकारी सस्थां लिमिटेड संग नियमित निरीक्षण अनुगमन कार्यक्रम (स्क्यान) को सम्झौता कार्तिक ११ गते सम्पन्न भएको छ । 

सहकारी ऐन २०७४ को व्यवस्था बमोजिम संघद्धारा यो कार्यक्रमको शुरुवात गरिएको थियो । संघको ३८ औं स्थापना दिवसको दिन सार्वजनिक भएको नियमित निरिक्षण तथा अनुगमन कार्यक्रम (स्क्यान) ले संघका सबै सदस्य संघ संस्थाहरुलाई अनुगमन तथा निरिक्षण गरी आवश्यक मार्गदर्शन प्रदान गर्ने उद्देश्य राखेको छ ।

नारायणी साकोसका उपाध्यक्ष सम्झना रेग्मी, सचिव हरिकृष्ण अधिकारी,व्यवस्थापक सुशिल पाण्डे र नेफ्स्कून कार्यक्रम अधिकृत यमकला सुवेदी,वरिष्ठ सदस्य सेवा सहायक केदारनाथ अधिकारीको रोहबरमा प्रथम पक्ष संघको तर्फबाट सदस्य सेवा विभाग प्रमुख दुर्गा प्रसाद ढकाल र दोस्रो पक्ष साकोसको तर्फबाट साकोसका अध्यक्ष पुष्पराज भट्टको हस्ताक्षरमा सम्झौता सम्पन्न भएको थियो ।