झापा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी क्षेत्रमा सुशासन, दिगोपन र वित्तीय अनुशासन प्रवद्र्धन गर्ने उद्देश्यका साथ नियमित स्थलगत सुपरिवेक्षण कार्यलाई निरन्तरता दिएको छ ।  पौष  १७ गते नियमित निरीक्षण तथा अनुगमन कार्यक्रम अन्तर्गत आवद्ध बचत तथा ऋण सहकारी संस्था लिमिटेड, विर्तामोड, , झापाको  स्थलगत सुपरिवेक्षण पौष १७ गते सम्पन्न गरेको छ । 

सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ। निरीक्षणमा संस्थाको शेयर, बचत तथा ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, सूचना प्रविधि, सुरक्षण,MIS अद्यावधिक, सम्पत्ति शुद्धिकरण निवारण नीति (AML/CFT) र भाखा नाघेका ऋण असुलीका विषयहरू मूल्यांकन गरिएको थियो ।

नेफ्स्कूनका तर्फबाट कार्यक्रम अधिकृत महेश वराल, सहजकर्ता मिलन कोइराला, संस्थाको तर्फबाट संचालक समितिका अध्यक्ष, ले.सु.स, पदाधिकारीहरु , संचालक सदस्य,उपसमिति, व्यवस्थापक लगायत  व्यवस्थापन तहका कर्मचारीहरुको सहभागीता रहेको थियो ।