बागलुङ । सिवाईसी बचत तथा ऋण सहकारी संस्था लि. बागलुङ न.पा. वडा नं २, हल्लनचोक बागलुङ बजार, नेफ्स्कूनद्धारा संचालित  नियमित निरीक्षण अनुगमन कार्यक्रमको स्थलगत सुपरिवेक्षण तथा स्क्यान कार्यक्रममा सम्झौता पौष २१ गते सम्पन्न भएको छ ।

पौष २० र २१ गते भएको स्थलगत सुपरिवेक्षणमा नेफ्स्कूनद्वारा सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपना अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो  ।

संस्थाको स्तरीकरणका लागि  बिभिन्न बिषयहरु जस्तैः बचत, ऋण, ब्याजदर, बार्षिक योजना, सम्पति शुद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुली, पुँजी प्रर्याप्तता अनुपात लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो । नेफ्स्कूनको तर्फबाट कार्यक्रम अधिकृत मनोज खड्काद्धारा स्थलगत रुपमा दिएको सुझाबलाई सुधारउन्मुख हुदै जाने प्रतिबद्धता व्यक्त गदैँ जाने निर्णय सहित कार्यक्रम सम्पन्न भएको छ ।