लमजुङ । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) र राइनस नगरपालिका वडा नं ८, लमजुङ स्थित कालीगण्डकी बचत तथा ऋण सहकारी सस्थां लिमिटेड र सुन्दर बजार नगरपालिका स्थीत एभरेष्ट बचत तथा ऋण सहकारी संस्था लि. बीच नियमीत निरीक्षण अनुगमन कार्यक्रम (स्क्यान) मा आबद्ध भएका छन् । 

सहकारी ऐन, २०७४ को व्यवस्थामा भएका दफा २५, ९९ र १०३ को कार्यान्वयन,  सहकारीका सात सिद्धान्तहरू ,वचत तथा ऋण सहकारीका चार सिद्धान्तहरू , पहिलो र दोस्रो पक्षको विनियमको व्यवस्था , पहिलो र दोस्रो पक्षका नीति तथा कार्यक्रमहरूको नीतिगत तथा सैद्धान्तिक वातावरणमा वचत तथा ऋण सहकारीहरूको प्रवद्र्धन पहिलो र दोस्रो पक्षको आपसि सहयोग भएकोले विद्यमान जोखिम पहिचान एवम् व्यवस्थापन गरी सहकारी वित्त क्षेत्रमा उपलव्ध भएका नविनतम प्रविधिहरू उपयोग मार्फत निरन्तर प्रवद्र्धन, विकास र संरक्षण गर्दै क्षेत्रगत स्थायित्व सुनिश्चित गर्न सहकारी मर्म वमोजिम स्वनियमनको अभ्यास प्रवद्र्धनका लागि यो सम्झौता गरी कार्यान्वयन गरिएको हो । 

साकोसको तर्फबाट साकोसका अध्यक्ष, संचालक सदस्य र ब्यवस्थापनका साथै नेफ्स्कूनको तर्फबाट कार्यक्रम अधिकृत मनोज खड्का, पोखरा सदस्य सेवा कार्यालय प्रमुख सुरज चालिसे र लमजुङ सेवा केन्द्र प्रमुख सन्देश घिमिरेको सहभागीता रहेको थियो ।