बिर्तामोड ।  हाम्रो नेपाल बचत तथा ऋण सहकारी संस्था लिमिटेडको आयोजना तथा नेफ्स्कूनको प्राविधिक सहजीकरणमा दुई दिने प्रशिक्षक प्रशिक्षण तालिम बिर्तामोडको सुरुङ्गामा फागुन ०८ गते सम्पन्न गरेको छ ।

साकोसले ३१ वटा सेवा केन्द्र मार्फत सदस्यहरूलाई गुणस्तरीय, प्रभावकारी तथा सदस्यमैत्री सेवा प्रवाह गर्ने उद्देश्यले नेतृत्व तहका कर्मचारीहरूका लागि तालिमको आयोजना गरेको हो । फागुन ६ र ७ गते सुरुङ्गामा सञ्चालित तालिम ‘सदस्य केन्द्रीयता’ को अवधारणामा आधारित रहेको थियो ।

संस्थामा आबद्ध सदस्यहरूलाई सहकारीको मर्म, शिद्धान्त, उत्तरदायी वित्तीय परामर्श तथा संस्थाका वस्तु र सेवाबारे तल्लो तह (ग्रासरुट लेभल) सम्म प्रभावकारी रूपमा जानकारी पु¥याउन सक्षम जनशक्ति विकास गर्नु तालिमको प्रमुख उद्देश्य रहेको जनाइएको छ । तालिमका क्रममा सहभागीहरूलाई प्रभावकारी प्रस्तुतीकरण कला, सेसन प्लान निर्माण तथा वयस्क शिक्षण विधिबारे व्यावहारिक अभ्यास गराइएको थियो ।

संस्थाका तालिम विभाग प्रमुख वेद प्रकाश दवाडीले सदस्यहरूको आवश्यकता पहिचान गरी उहाँहरूलाई सक्रिय रूपमा सिकाइ प्रक्रियामा सहभागी गराउन यो तालिम कोशेढुङ्गा सावित हुने विश्वास व्यक्त गर्नुभयो । तालिमका प्रमुख सहजकर्ता नेफ्स्कूनका प्राचार्य बल्लभ तिमल्सिनाले सहभागीलाई प्रभावकारी सहजीकरण सीप, अन्तरक्रियात्मक प्रस्तुतीकरण विधि तथा सदस्यमैत्री सञ्चार शैलीबारे प्रशिक्षण दिनुभएको थियो । तालिमको अन्त्यमा सहभागीहरूले डेमो प्रस्तुतीकरणमार्फत आफ्नो क्षमता प्रदर्शन गरेका थिए ।

संस्थाले व्यावसायिक विकाससँगै कार्यरत कर्मचारीहरूको वृत्ति विकासलाई उच्च प्राथमिकतामा राख्दँै आएको छ, शेयर सदस्य तथा समुदायको चेतना स्तर अभिवृद्धिका लागि विभिन्न शिक्षा तथा तालिम कार्यक्रमहरू सञ्चालन गर्दै सामाजिक उत्तरदायित्वसमेत वहन गर्दै आएको साकोसले जनाएको छ ।