पाल्पा । अन्धकारमुक्ति वचत तथा ऋण सहकारी सस्था लिमिटेडको आयोजना र नेफ्स्कूनको प्राविधिक सहयोगमा कर्मचारीहरुको लागि १ दिने ऋण व्यवस्थापन सम्वन्धी तालिम संस्थाका अध्यक्ष खगेन्द्र प्रसाद न्यौपानेको अध्यक्षतामा पागुन ०६ गते सम्पन्न भएको छ ।

कार्यक्रमको उद्घाटन सत्रलाई सम्वोधन गर्दै अध्यक्ष न्यौपानेले  ऋण प्रकृयालाई थप व्यवस्थित वनाउन तथा वदलिँदो वातावरणीय परिवेश र प्रावधान, निति तथा कार्यविधि संगै कर्मचारीहरुको क्षमता तथा नेतृत्व विकासका लागी  तालिमको आयोजना गरीएको वताउनुभयो । 

तालिममा ऋणको परिचय, ऋण सेवाका आधारभूत सिद्धान्त र ऋण वर्गीकरण तथा ऋणको पोर्टफोलियो व्यवस्थापन र ऋण लगानी प्रक्रिया, ऋण लगानीका लागि आवश्यक कागजात तथा ऋण लगानीका कानुनी आधार, क्षमतामा आधारित ऋण लगानी तथा ऋण लगानीको प्राथमिकता र सुरक्षित ऋण लगानीका आधारहरुबारे नेफ्स्कूनका वरिष्ठ अधिकृत तथा लुम्विनी प्रदेश प्रमुख कोमल राज अधिकारीले सहजीकरण गर्नुभएको थियो ।

सञ्चालक समिति, कर्मचारी सहित ३६ जनाको सहभागीतामा सम्पन्न तालिममा संस्थाका सञ्चालक समिति सदस्य सुरज गौतमले मन्तव्य राख्दै ऋण लगानी तथा असुलिका प्रकृया र मापदण्ड तथा यसका प्रभाव का विषयमा तालिमले स्पष्ट पारेको बताउनुभयो ।  सोही अवसरमा सस्थाले  बचत तथा ऋण सहकारी सस्था लि. बाग्लुङमा सहकारीहरु विच भएका असल अभ्यास सिकाई आदानप्रदान कार्यक्रम पनि गरेको थियो ।