काठमाडौं ।  शान्तिनगर, काठमाडौ स्थित आप्रवासी बचत तथा ऋण सहकारी संस्था लि. स्क्यान कार्यक्रममा चैत्र २४ गते आबद्ध भएको छ । 

वित्तीय सहकारी संस्थाको मूल दायित्व सदस्यको बचतको सुरक्षा हो । परिवर्तित नियामकीय परिवेशमा सदस्य संस्थाहरुलाई नियामकीय रुपमा अनुकूल बनाउँदै जोखिम मापन विश्लेषण र पृष्ठपोषण मार्फत वित्तीय सहकारीको विश्वसनीयता अभिवृद्धि गर्न संघले सहकारी ऐन २०७४ को दफा २५(ङ) र दफा ९९ बमोजीम ‘स्क्यान’ कार्यक्रम विकास गरी कार्यान्वयनमा ल्याएको हो । 

सहकारी क्षेत्रको पारदर्शिता, उत्तरदायित्व र सदस्य हितको सुनिश्चितताका लागि सहकारी संस्थाहरुमा स्थलगत सुपरिवेक्षण प्रभावकारी रूपमा अघि बढाएको हो । संघले स्क्यानमा आबद्ध भएका संघ संस्थाहरुलाई  बचत, ऋण, लेखापरीक्षण, लगानी तथा आर्थिक कारोबारको वास्तविक स्थिति, सदस्यहरूले पाउनुपर्ने सेवा सुविधा, लाभांश तथा समावेशी सहभागिता, संस्थाभित्र सम्भावित त्रुटी, आर्थिक जोखिम र व्यवस्थापकीय सुधारका लागि सुझाव दिनु र संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिता मूल्यांकन साथै प्रविधिमा आधारित सदस्य सुचना प्रणालीको अधिकतम प्रयोग मार्फत जोखिम विश्लेषण गरी जोखिम न्यूनिकरणका उपायको खोजि गरी आवश्यक मार्गदर्शन प्रद्धान गर्नेछ  ।