सुनसरी । नेफ्स्कून सुनसरी सदस्य सेवा कार्यालयको आयोजनामा अग्रभागका कर्मचारीहरूको क्षमता विकास तालिम सुनसरीको ईटहरीमा चैत्र २४ गते सम्पन्न भएको छ । 

३२ जना साकोसका कर्मचारीहरुको सहभागिता रहेको तालिमको सञ्चालन नेफ्स्कून सुनसरी  सदस्य सेवा कार्यालयका व्यवसाय सहायक लक्ष्मण अधिकारीले गर्नुभएको थियो । तालिमको समग्र व्यवस्थापन सदस्य सेवा कार्यालयका कर्मचारीले गर्नुभएको थियो । 

उत्प्रेरणात्मक मार्गदर्शन प्रदान गर्दै अग्रभागमा कार्यरत कर्मचारीहरू संस्थाको महत्वपूर्ण आधार भएको र यी कर्मचारीहरू नै सदस्यहरूसँग प्रत्यक्ष रूपमा सम्पर्कमा रहने, उनीहरूसँग सम्बन्ध स्थापना गर्ने तथा संस्थाको सेवा प्रभावकारी रूपमा पु¥याउने मुख्य माध्यम भएकाले यस्ता तालिमहरुको आवश्यकता अनुरुप संघले आयोजना गरेको संघका बरिष्ठ अधिकृत भरत प्रसाद न्यौपानेले गर्नुभएको थियो । तालिमबाट सिकेका ज्ञान, सीप र अनुभवलाई दैनिक कार्यक्षेत्रमा व्यवहारिक रूपमा प्रयोग गर्नुपर्नेमा जोड दिनुभयो । यसरी सीपहरूको प्रभावकारी प्रयोगले मात्र संस्थाको सेवा गुणस्तर सुधार हुने, सदस्यहरूको सन्तुष्टि बढ्ने र अन्ततः दिगो संस्थागत विकासमा महत्वपूर्ण योगदान पुग्ने उहाँको धारणा थियो ।