लहान । नेपाल बचत तथा ऋण केन्द्रीय सहकारी संघ लि. (नेफ्स्कून) जनकपुर  सदस्य सेवा कार्यालयको आयोजनामा व्यवसाय प्रर्बद्धन तथा व्यवस्थापकहरुसँग अन्तरकृया कार्यक्रम चैत्र २४ गते सम्पन्न भएको छ । 

संघका अध्यक्ष चन्द्रप्रसाद ढकालको अध्यक्षतामा सम्पन्न कार्यक्रममा सहकारीमा देखिएका समस्याले हाल संस्था सञ्चालनमा पर्न गएको वित्तीय समस्या निराकरणका लागि यस क्षेत्रभित्र सञ्चालित साकोसहरुको वित्तीय स्थीति तथा सुशासनमा एकरुपता ल्याई मजबुत बनाउनका लागि अन्तरक्रृया कार्यक्रम तय गरिएको थियो । 

कार्यक्रममा नेफ्स्कूनद्धारा सञ्चालित नियमित निरीक्षण तथा अनुगमन (स्क्यान) कार्यक्रमका बारेमा छलफल भएको थियो र कार्यक्रमको परिचय, लक्ष्य, उद्धेश्य तथा साकोसहरुलाई नियमन तथा अनुगमनका आधारहरुमा समेत छलफल भएको थियो । 

दुई जिल्ला बचत संघ सिरहा र सप्तरी लगएत २२ वटा संस्थाहरु बाट  उपस्थितीमा  नेफ्स्कून व्यवसाय अधिकृत राजेन्द्र ढकाल र व्यवसाय सहायक रम्भु पंडितले सहजीकरण गर्नुभएको थियो ।