काठमाडौं । सिटिइभिटिको पाठ्यक्रममा आधारित सहकारी व्यवस्थापक कोर्षको आठौं व्याचको कक्षा वैशाख २० गते बाट शुरू भएको छ ।

सहकारी क्षेत्रमा दक्ष व्यवस्थापक उत्पादन गर्ने उद्देश्यसहित सञ्चालन गरिएको यस कोर्षले सहकारी संस्थाहरूको व्यवस्थापन, वित्तीय अनुशासन, सुशासन तथा सेवा प्रवाहमा व्यावसायिक क्षमता अभिवृद्धि गर्ने अपेक्षा गरिएको छ ।

कार्यक्रममा सहभागी प्रशिक्षार्थीहरूलाई सहकारी व्यवस्थापनसँग सम्बन्धित नवीनतम ज्ञान, व्यवहारिक सीप तथा आवश्यक प्राविधिक दक्षता प्रदान गरिनेछ । नेफ्स्कून तालिम केन्द्रका अनुसार यो प्रशिक्षणले सहकारी क्षेत्रको मानव संसाधन विकासमा महत्वपूर्ण योगदान पु¥याउनेछ भने परिवर्तित सहकारीको कानुनी वातावरणमा संस्था सञ्चालनमा थप सहजता हुनेछ । 

विभिन्न १५ वटा मोड्युलको यस कोर्षको कक्षा भौतिक र अभौतिक गरेर जम्मा ६०० घण्टाको रहनेछ ।