रौतहट । रौतहट स्थित एकीकृत बचत तथा ऋण सहकारी संस्था लि. को आयोजना र नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहयोगमा एक दिवसीय सञ्चालकहरुको क्षमता विकास तालिम निजगढ १३ स्थित हाई डम्बरपूर रिसार्टमा वैशाख १९ गते सम्पन्न भएको छ । 

तालिमको उद्घाटन निजगढ न.पा.१३, का वडाध्यक्ष सुर्य घलानले गर्नु भएको थियो ।  शुभकामना मन्तव्यको क्रममा सहकारी सम्बन्धी नेतृत्वको तालिमले नेतृत्वमा ज्ञान सीपको विकास हुने भएकोले प्रभावकारी हुने बताउनुभयो । 

संस्थाका अध्यक्ष कृष्ण बहादुर खड्काले संस्थाले यस तालिमका माध्यमबाट संस्थालाई व्यवसायिक बनाउनको लागी अपरिहार्य रहेको र नेफ्स्कून र संस्थाको सहकार्यलाई अगाडी बढाउन टेवा पुग्ने बताउनुभयो । 

१६ जनाको सहभागीतामा सञ्चालित तालिमको सहजीकरण नेफ्स्कूनका अधिकृत सुर्यप्रसाद तिमल्सिनाले गर्नुभएको थियो ।