रुकुम । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी क्षेत्रमा सुशासन, दिगोपन तथा वित्तीय अनुशासन प्रर्बधन गर्ने उद्देश्यसहित नियमित रूपमा सञ्चालन गर्दै आएको नियमित निरीक्षण तथा अनुगमन (स्क्यान) कार्यक्रम अन्तर्गत स्थलगत सुपरिवेक्षण रुकुम (पश्चिम) स्थित श्री डिग्रे शाईकुमारी बचत तथा ऋण सहकारी संस्था लिमिटेडमा असार १९ गते सम्पन्न गरेको छ ।

सुपरिवेक्षणको उद्देश्य सहकारी संस्थाहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु तथा बचतकर्ताको विश्वास अभिवृद्धि गर्नु रहेको छ । यस क्रममा संस्थाको पूँजी पर्याप्तता अनुपात, ऋण व्यवस्थापन, सदस्यता प्रणाली, आन्तरिक सुशासन प्रणाली, लेखा प्रणाली, व्यवस्थापन सूचना प्रणाली, सम्पत्ति शुद्धीकरण निवारण तथा भाखा नाघेको ऋण असुली लगायत वित्तीय तथा गैर वित्तीय जोखिम न्यूनीकरणका  विषयमा विस्तृत छलफल एबम् मूल्यांकन गरिएको थियो । 

सुपरिवेक्षणमा नेफ्स्कूनका कार्यक्रम अधिकृत प्रबिण अधिकारी तथा साकोसका सञ्चालक समिति,लेखा सुपरीबेक्षण समिति लगायत व्यवस्थापनको सहभागिता रहेको थियो । सहभागीहरूले सुपरिवेक्षणका क्रममा प्राप्त सुझाव तथा टिप्पणीहरूलाई व्यवहारमा कार्यान्वयन गर्ने प्रतिबद्धता व्यक्त गरेका छन् ।