काठमाडौं । भिमकुल बचत तथा ऋण सहकारी संस्था लिमिटेडको आयोजना तथा नेपाल बचत तथा ऋण केन्द्रीय सहकारी संघ लि. को प्राविधिक सहयोगमा आधारशिला कार्यक्रमको साझेदारी अन्र्तगत सहकारी संस्थाहरुबाट २५ जना सम्भाव्य उद्यमीहरुलाई German Sparkassenstiftung  को सहयोगमा तिन दिवसीय लघु व्यवसाय खेल तालिम भाद्र १७ गते सम्पन्न भएको छ । 

भिमकुल साकोसका सदस्य हरुलाई लक्षित गरि भाद्र १५ देखि सुरु भएको लघु ब्यवसाय खेल तालिम१७ गते सम्पन्न भएको छ । तालिमको उद्घघाटन संस्थाका अध्यक्ष रामचन्द्र श्रेष्ठले गर्नुभएको थियो ।  तालिममा सहभागीहरुले यस तालिमबाट वित्तीय ज्ञान हासिल गर्नुका साथै ब्यवसाय सञ्चालन गर्दा आईपर्ने जोखिम तथा बजार विश्लेषणका कुरामा धेरैनै सहयोग पुग्ने अपेक्षा राखेका छन् । 

समापन कार्यक्रममा बोल्दै संस्थाका अध्यक्षले यस्ता तालिमले संस्थालाई सदस्यहरुमा अझ बढि आफ्नोपनको भावना जागृत गर्न अझ बढावा दिने तथा सदस्यलाई प्रत्यक्ष फाईदा पुग्ने कुराले खुशी लागेको बताउनुभयो । तालिम कार्यक्रमको सहजीकरण नेफ्स्कूनका अधिकृत सुर्यप्रसाद तिमल्सिना तथा श्यामराजा तिमल्सिनाले गर्नुभएको थियो ।