काठमाडौंको कालिमाटीमा स्थापित तरकारी फलफूल बचत तथा ऋण सहकारी संस्था लि.ले विविध सामाजिक कार्य सहित २३ औ स्थापना दिसव सम्पन्न गरेको छ ।

माघ २१ गते शुक्रबार तरकारी बजार विकास समितिको हलमा आयोजित कार्यक्रममा जेष्ठ सदस्य र एकल महिला सदस्यहरुलाई सम्मान स्वरुप भत्ता वितरण साथै साकोसका उत्कृष्ट बचतकर्ता र उत्कृष्ट ऋणी सदस्यहरुलाई सम्मान गरिएको साकोसकी व्यवस्थापक बिमला बस्नेतले जानकारी दिनुभयो । 

यससँगै साकोसले स्थापना दिवसको पूर्वसन्ध्यामा माघ १९ गते सामाजिक उत्तरदायित्व कार्यक्रम अन्तर्गत गोदामचौर ललितपुरमा अबस्थित Happy Home Nepal नामक अनाथ बालआश्रममा खाद्यान्न सहयोग उपलब्ध गराएको थियो । आश्रममा एक सय भन्दा बढी बालबालिका आश्रित छन् । 

साकोसले स्थापना दिवसको अवसर पारेर माघ २० गते घुम्ती सेवा मार्फत सदस्यता खुला एवं बगैंचामा फूल तथा बृक्षारोपण र सरसफाई कार्यक्रम गरेको थियो । साकोसले १ महिनासम्म घुम्ती सेवा मार्फत निशुल्क सदस्यता खुला गरिने कार्यक्रम रहेको जनाएको छ । 

कालिमाटी तरकारी तथा फलफूल बजार र बल्खु तरकारी बजारका व्यवसायीहरू सेयर सदस्य रहेको यस साकोसले कार्तिक २८ गते २२ औं बार्षिक साधारणसभा सम्पन्न गरेको थियो । उक्त सभाले नवौं कार्यकालका लागि दुर्गालाल श्रेष्ठको अध्यक्षतामा नयाँ सञ्चालक समिति निर्वाचित गरेको छ । १ हजार ७ सय ३६ सेयर सदस्य रहेको साकोसको ६० करोड ५० लाख भन्दा बढीको कारोबार रहेको छ ।