नेपाल बचत तथा ऋण केन्द्रिय सहकारी  संघको फिल्ड कार्यालय रुपन्देहीको आयोजनामा रुपन्देही जिल्लाको छपियामा तीन दिवसीय साकोसका ऋण अधिकृतहरुको क्षमता अभिवृद्धि तालिम हिजो सम्पन्न भएको छ । नेफ्स्कूनका संञ्चालक सन्दीप सापकोटाको अध्यक्षतामा उक्त आवासीय तालिम समापन भएको थियो ।

समापन सत्रका सभा अध्यक्ष एवंम नेफ्स्कूनका संञ्चालक सापकोटाले तालिममा समापन भए पनि बास्ततिक सुरुवात कार्य क्षेत्रमा अभ्यास पश्चात मात्र हुने धारणा राख्नुभयो । ऋण अधिकृतको साकोसको पैसा परिचालनमा महत्वपूर्ण भुमिका रहने भएकोले पनि तालिम पश्चात सहभागी संस्थाको ऋणको गुणस्तर र प्रभावकारी लगानी हुने विश्वास व्यक्त गर्नुभयो ।

फागुन १० गते देखी संञ्चालन भएको तालिममा लुम्बीनि प्रदेशका ७ वटा जिल्ला बाट २५ वटा साकोसका २२ जना पुरुष र ७ जना महिला गरी २९ जना ऋण अधिकृत तथा उच्च व्यवस्थापनको सहभागिता रहेको थियो । ३ दिन सम्म संञ्चालन भएको तालिमको सहजीकरण संघका सदस्य सेवा विभाग प्रमुख गणेश प्रसाद तिमल्सिना, सिद्धार्थ न.पा. भैरहवाका शाखा अधिकृत (सहकारी दर्ता अधिकारी) कमलकान्त खनाल र फिल्ड कार्यालय इन्चार्ज छत्र प्रसाद धमालाले सहजीकरण गर्नु भएको थियो । CULCC तालिम संघले संञ्चालन गर्ने उच्च स्तरको तालिम हो ।

सहभागीहरुले तालिम समय सान्दर्भिक र प्रभावकारी भएको र यस प्रकृतिका तालिमहरुलाई निरन्तरता दिन अनुरोध गर्नु भयो । समापन सत्रमा सहभागीहरुको तर्फबाट कोलिय देवदह साकोसका सह व्यवस्थापक बुद्धी सागर अर्याल र जनता समझौता साकोसकी व्यवस्थापक कला डुम्रे भटराइले मन्तव्य राख्नु भएको थियो भने कार्यक्रम संञ्चालन नेफ्स्कूनका फिल्ड कार्यालय इन्चार्ज छत्र प्रसाद धमलाले गर्नु भएको थियो ।