नवलपरासी । बर्दघाट सुस्ता पश्चिम, कावासोती नगरपालिका २, वि.पी. चोकमा रहेको महाराजा बचत तथा ऋण सहकारी संस्था लि. प्रोबेसन कार्यक्रममा आबद्ध भएको छ । प्रोबेसन कार्यक्रम नेफ्स्कूनले सञ्चालन गरेको साकोसहरुको गुणस्तर सुनिश्चितासम्बन्धी पूर्ण तथा व्यावायिक साकोस विकास कार्यक्रम हो । साकोसको तर्फबाट अध्यक्ष देवीसारा पुलामी कानु मगर तथा नेफ्स्कूनको तर्फबाट कार्यक्रम अधिकृत सुरज चालिसेले बुधबार सम्झौतामा हस्ताक्षर गर्नुभएको हो ।

साकोसमा आयोजित कार्यक्रममा साकोसका उपाध्यक्ष बालकृष्ण पाण्डे, कोषाध्यक्ष महेन्द्र बहादुर थापा, व्यवस्थापक रामनाथ उप्रेती, नायव व्यवस्थापक भुपराज तिवारी उपस्थित हुनुहुन्थयो ।  २०६७ साउन २ गते स्थापना भएको महाराजा साकोसमा हाल २८ सय ४८ जना सदस्य छन् भने रु. २० करोड ५४ लाख कुुल पुँजी रहेको छ ।