मोरङ । उर्लाबारी–७ स्थित नारी संकल्प बचत तथा ऋण सहकारी संस्था लि.को नवनिर्वाचित सञ्चालक समितिका लागि क्षमता अभिवृद्धि तालिम (सियुडिसिसि) सम्पन्न भएको छ । 

तालिम यही असोज २५ देखि २९ गतेसम्म धनुकुटाको पाख्रिबासमा आयोजना गरिएको थियो । नेफ्स्कूनकी सञ्चालक एवम् साकोसकी नवनिर्वाचित अध्यक्ष गोमा नेपालले व्यानरमा हस्ताक्षर गरी तालिमको शुभारम्भ गर्नुभएको थियो । 

तालिममा साकोसका पदाधिकारी, सञ्चालक समितिका सदस्यहरु, लेखा सुपरिवेक्षण समिति संयोजक, लेखा समिति सदस्यहरु, उपसमिति र कर्मचारीको सहभागिता रहको थियो । 

५ दिनसम्म सञ्चालित तालिमको सहजीकरण नेफस्कूनका बरिष्ठ अधिकृत प्रेमनाथ वाग्ले, तालिम अधिकृत द्वय सुमनराज घिमिरे र उमेश कोइरालाले गर्नुभएको थियो । 

साकोसको असोज ३ गते सम्पन्न १६औं वार्षिक साधारणसभाले गोमा नेपालको अध्यक्षतामा नयाँ सञ्चालक समिति निर्वाचित गरेको थियो । २०६३ सालमा स्थापित नारी संकल्प साकोसमा हाल ३ हजार ८५ जना शेयर सदस्य छन भने साकोसको कुल बारोबार रु. १६ करोडको रहेको छ ।