काठमाडौं । एकता साकोस काठमाडौंको अयोजना र नेफ्स्कूनको प्राविधिक सहयोगमा प्रोबेसन वागमती क्लष्टर प्रथमको २६ औं कार्यकुशलता तथा सिकाई व्यवस्थापन कार्यशाला कार्तिक २५ गते काठमाडौं शान्तीनगर स्थित एकता साकोसको सभाहलमा सम्पन्न भएको छ । 

कार्याशालामा यस क्लष्टरमा आवद्ध काभ्रे, ललितपुर र  काठमाडौंका साकोसहरुको सञ्चालक समिति र व्यवस्थापन गरी जम्मा ३३ जनाको सहभागिता रहेको थियो ।

आयोजक साकोसका का.वा. अध्यक्ष विरेन्द्र भण्डारीको अध्यक्षतामा सञ्चालन भएको कार्याशालाको समापन कार्यक्रममा प्रमुख अतिथि नेफ्स्कूनका अध्यक्ष परितोष पौड्याल र विशिष्ट अतिथि नेफ्स्कून प्रमुख कार्यकारी अधिकृत प्रकाश प्रसाद पोखरेल रहनुभएको थियो । 

समापन कार्यक्रममा वोल्दै प्रमुख अतिथि पौड्यालले हाल विश्वव्यापी रुपमा नयाँ आएका प्रविधिहरुको बारेमा चर्चा गर्नुभएको थियो । उहाँले अवको साकोस अभियान पनि प्रविधिमैत्री हुनुको विकल्प नरहेको बताउँदै साकोस अभियानलाई प्रविधि मैत्री बनाउनको लागि नेफ्स्कूनले विकास गरेको ‘ईन्टरप्राइजेज रिसोर्स प्लानिङ’ -ERP बारे चर्चा गर्नुभएको थियो । अव साकोसहरु आफ्ना सदस्य र समुदायका व्यक्तिहरुलाई वित्तीय प्रविधि साक्षरता र सदस्यहरुको वित्तीय स्वस्थताका विषयमा प्रशिक्षित गर्दै सदस्यहरुलाई प्रविधिको प्रयोग, सदुपयोग र प्रविधि मार्फत सेवा लिने र दिने सिकाउनु पर्नेमा उहाँले जोड दिनुभएको थियो । 

विशिष्ट अतिथि पोखरेलले साकोसहरुलाई प्रविधि मैत्री  बनाउनको लागि अभियानको विचमा ल्याउन लागिरहेको प्रविधि -ERP को बारेमा जानकारी गराउनुभएको थियो । वित्तिय संस्थाको गुणस्तर, हालको तरलता समस्या र त्यसको समाधनका उपायहरु, साकोसहरुमा शुसानको विषय, ऋण व्यवस्थापन, योजना निर्माण र स्थिरीकरण कोषमा सहभागिताको विषयमा चर्चा गर्नुभएको थियो भने सो कार्यक्रमको सहजिकरण नेफ्स्कून कार्यक्रम अधिकृत कोमल राज अधिकारीले गर्नुभएको थियो ।