काठमाडौं । तारकेश्वर नगरपालिका–११, नेपालटार स्थित गोल्डेन अर्थ बचत तथा ऋण सहकारी संस्था लि.कर्ब्स कार्यक्रममा आबद्ध भएको छ । कर्ब्स कार्यक्रम नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम हो ।

नेफ्स्कून कास्कुन साझेदारी कार्यक्रम अन्तर्गत बुधबार साकोसको कार्यालयमा आयोजित एक संक्षिप्त कार्यक्रमका बीच साकोसका अध्यक्ष कबिन्द्र रिमाल, नेफ्स्कूनको तर्फबाट कार्यक्रम अधिकृत सोबिता मैनाली र कास्कुनबाट कार्यक्रम अधिकृत नबराज सुबेदीले सम्झौतापत्रमा हस्ताक्षर गर्नुभएको थियो ।  

साकोसका अध्यक्ष रिमालले नेफ्स्कूनद्वारा सञ्चालन गरिएको गुणस्तर सुनिश्चितताको कार्यक्रममा सहभागी भई साकोसको वित्तीय स्वस्थता तथा संस्थागत सुधार ल्याउन कार्यक्रमले मार्गदर्शन गरेका सम्पूर्ण विषयहरु कार्यान्वयन गर्ने प्रतिबद्धता व्यक्त गर्नुभयो ।