काठमाडौं । रुपन्देहीको कोटिहवामा मुख्य कार्यालय रहेको जनउत्थान बचत तथा ऋण सहकारी संस्थाले एक्सेस ब्रोञ्ज ब्रान्ड प्राप्त गरेको छ । एसियाली ऋण महासंघ (अकू) को प्राविधिक सहयोगमा नेफ्स्कूनद्वारा प्रर्वदित साकोसहरुको गुणस्तर सुनिश्चितता सम्बन्धी अन्तराष्ट्रिय मापदण्डको एक्सेस कार्यक्रममा आवद्ध जनउत्थानले ब्राण्ड प्राप्त गर्न सफल भएको हो । संस्थाले गत बर्ष सिल्भर ब्राण्ड प्राप्त गरेको थियो ।  यस बर्ष नेपालबाट जनउत्थानले मात्रै एक्सेस अडिट गराएको थियो । अघिल्लो वर्ष चण्डेश्वरी साकोसले पनि ब्राण्ड प्राप्त गरेको थियो ।

४० हजार १९० सदस्यलाई वित्तीय सेवा प्रदान गर्दै आएको जनउत्थान मुलुककै एक अग्रणी एवम् उत्कृष्ट सहकारी संस्थाको रुपमा स्थापित छ । विगतमा एक्सेस सिल्भर ब्राण्ड प्राप्त गरिसकेको जनउत्थान साकोसले नेफ्स्कून, राष्ट्रिय सहकारी बैंक, लगायत थुप्रै निकायबाट सम्मान पुरस्कार प्राप्त गरिसकेको छ ।

सदस्य र समुदाय केन्द्रीय वित्तीय गर्दै आएको संस्थाले सदस्यहरुको आर्थिक तथा सामाजिक रुपान्तरणमा समेत उल्लेख योगदान पुन्याएको छ । संस्थागत पुँजीलाई  प्राथमिकतामा राखेर अगाडि बढेको संस्थामा जगेडा कोषमा मात्रै ३४ करोड  पुगेको छ । जगेडा कोषलाई क्रमश वृद्धि गर्दै जाने र १ अर्बको कोष पुगेपछि शुन्य प्रतिशत मार्जिनमा सदस्यहरुलाई ऋण लगानी गर्ने लक्ष्य साकोसले लिएको छ । अहिले पनि संस्थाले सदस्यहरुलाई विना प्रशासनिक शुल्क ऋण लगानी गर्दै आएको छ भने सदस्य बन्दा पनि प्रवेश शुल्क नलिने गरको साकोसका व्यवस्थापक रन बहादुर थापाले जानकारी दिनुभयो । संस्थाले ठुलो ऋणलाई भन्दा पनि सानो ऋणलाई प्राथमिकता दिएका कारण संस्था सुरक्षित रहेको उहाँ बताउनुहुन्छ ।

संस्थाले घर निर्माणको लागि बढीमा ५० लाखसम्म ऋण लागनी गर्ने गरेको छ भने व्यापार व्यवसाय र कृषिका लागि  दश ÷पन्ध्र लाखसम्म ऋण लगानी गर्ने गरेको छ । सरकारले सहकारीको सन्दर्भ ब्याजदर १६ प्रतिशत तोकेको भए पनि  संस्थाले भने घर निर्माणका लागि ११ प्रतिशत, कृषि तथा व्यापार व्यवसायको लागि १० प्रतिशत र बचत धितोमा ८।५ प्रतिशत ब्याजदरमा ऋण लगानी गर्ने गरेको छ । संस्थाले ससानो ऋणलाई प्राथमिकता दिएको कारण कुल सदस्य मध्ये २७ प्रतिशत अर्थात १० हजार बढीले ऋण लिएका छन् ।

२२ हजार घर धुरीका ४० हजार सदस्य संस्थामा आवद्ध रहेको र त्यसका आधारमा हेर्दा ऋण लिने सदस्यको संख्या ५० प्रतिशत हुन आउने व्यवस्थापक थापाले बताउनुभयो । एक जना सदस्यले १० हजार भन्दा बढीको शेयर खरिद गर्न नपाउने र नाफाका लागि भन्दा पनि सदस्यलाई सेवा प्रदान गर्ने उदेश्यका संस्था अगाडि बढेको उहाँको भनाइ छ । संस्थाबाट सदस्यले आर्थिक लाभ नभई सहज  र सरल रुपमा सेवा पाउने उहाँले उल्लेख गर्नुभयो ।

अकूले उक्त सम्मान आगामी सेप्टेम्बरमा इन्डिोनेसियाको बालीमा आयोजना हुने अकू फोरमको समयमा प्रदान गर्ने कार्यक्रम छ ।