काठमाडौं । सभामुख देवराज घिमिरेले सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले तीन महिना १५ दिनमा महत्त्वपूर्ण काम गरेको बताउनुभएको छ । आज सिंहदरबारमा आयोजित कार्यक्रममा समितिलाई धन्यवाद दिँदै सभामुख घिमिरेले यो व्यक्ति वा घटनाविशेष मात्र हैन नभई समग्र सहकारी क्षेत्रको विषयमा भएको समस्या पहिल्याउन महत्त्वपूर्ण प्रतिवेदन रहेको टीप्पणी गर्नुभयो ।  

“एउटा ऐतिहासिक महत्त्व राख्ने प्रतिवेदन छ” उहाँले भन्नुभयो, “सरकारले प्रतिवेदन चाँडै कार्यान्वयन गरोस् । यसलाई कार्यान्वयन गरेर सहकारी क्षेत्रमा देखिएको समस्या समाधान होस् ।”

अबको दायित्व भनेको प्रतिवेदनको कार्यान्वयन भएर संसद्ले दिएको निर्देशन र समस्या हल गर्न प्रतिनिधिसभासक्षम रहेको पनि सन्देश दिनुभएको उहाँले उल्लेख गर्नुभयो।