काठमाडौं । प्रोवेसन मधेश प्रदेश समूह (क्लष्टर) को पहिलो कार्यकुशलता तथा सिकाइ ब्यवस्थापन (पाम) कार्यशाला मंसिर २४ गते महोत्तरीको बर्दिबासमा सम्पन्न भएको छ । कार्यक्रममा नेफ्स्कूनका सहायक कार्यकारी अधिकृत दुर्गाप्रसाद ढकालले 'पाम'को उद्देश्य र मोडालिटीमा गएिको परिवर्तनबारे जानकारी गराउनुभएको थियो ।

नेफ्स्कूनका कार्यक्रम अधिकृत सुर्यप्रसाद तिमल्सिनाले क्लष्टरका साकोसहरुको समग्र वित्तीय अवस्था र सांगठनिक स्तरबारे प्रस्तुतीकरण गर्नुभएको थियो ।

कानूनविद् प्रियहरि मैनालीले तमसुक तयार पार्ने देखि ऋण असुली सम्मका सम्पूर्ण कानुनी विषयहरुमा जानकारी गराउनुभएको थियो ।

अन्तरक्रियात्मक मोडलमा सञ्चालित पाम कार्यशालामा ३१ जनाको सहभागिता थियो । सहभागीहरुले 'पाम' कार्यशालाले उर्जा सञ्चार गरेको प्रतिक्रिया व्यक्त गर्नुभएको थियो ।