काठमाडौं । नेफ्स्कून र चितवन जिल्ला बचत तथा ऋण सहकारी संघ (चिस्कूनको) साझेदारी कार्यक्रम अन्तगर्त संचालक समिति, लेखा सुपरिवेक्षण समिति र उपसमितिहरुको क्षमता विकास तालिम मंसिर २६ गते चितवन सम्पन्न भएको छ । तालिममा संघको सञ्चालक समिति, लेखा सुपरिवेक्षण समिति र उपसमिति बाट ३० जनाको सहभागिता रहको थियो । तालिमबाट नीति विधि र प्रविधिमा अझ सशक्त ढंगले संघ अघि बढ्ने विश्वास लिइएको छ ।

चिस्कूनकी अध्यक्ष विद्या कोइरालाको अध्यक्षतामा भएको उद्घाटन कार्यक्रममा संघको संचालक समिति, लेखा सुपरिवेक्षण समिति, उपसमिति तथा उच्च् व्यवस्थापनको सहभागिता थियो । उद्घाटन कार्यक्रम संचालन संघका सचिवको रहेको थियो ।

तालिम समापनमा नेफ्स्कूनकी उपाध्यक्ष शान्ति अधिकारीले संघको सञ्चालक समिति दक्ष र सहकारीको मूल्य मान्यता परिपालनाप्रति प्रतिवद्ध हुनुपर्नेमा जोड दिनुभयो  । उहाँले नेत्तृत्वले आफूले काम गरेर अरुलाई देखाउने भएकाले मूल्य, मान्यता र सिद्धान्त परिपालनामा कुनै सम्झौता गर्न नहुने धारणा राख्नुभयो ।

प्रारम्भिक संस्थाको सुदृढीकरण र सबलीकरण साथै शुसासन कायम गर्न स्तरीकरण कार्यक्रममा आवद्ध हुनुपर्ने उहाँले बताउनुभयो । साकोसमा एक पटकको सञ्चालक जीवनभर सञ्चलक हुने भएकाले साकोस सञ्चालन गर्दा नीति, विधि र निर्देशनलाई परिपालना गर्नुपर्ने उपाध्यक्ष अधिकारीले बताउनुभयो । सरकारले हाल अध्ययदेश मार्फत सहकारी कानुन संसोधन गर्न लागिरहेको सन्दर्भमा नेफ्स्कूनले उक्त विधेयक संसोधनको लागी सुझाव दिएको जानकारी पनि उहाँले गराउनुभयो ।