काठमाडौं । चन्द्रागिरि बचत तथा ऋण सहकारी संस्था लि. को तेश्रो रणनीतिक योजना कार्यशाला सम्पन्न भएको छ । जेठ २२ देखि २४ गते सम्म सञ्चालित कार्यशालाको प्राविधिक सहजीकरण नेपाल बचत तथा ऋण केन्द्रीय सहकारी संघ लि.(नेफ्स्कून) ले गरेको थियो । 

संघको सहजीकरणमा साकोसका सञ्चालक समिति, लेखा सुपरीवेक्षण समिति, सल्लाहकार परिषद, विभिन्न उपसमिति र उच्च व्यवस्थापन सम्मिलित समूहले संस्थाको आगामी ४ वर्षको रणनीतिक मार्गचित्र तय गरेको हो । 

धुलिखेलको होटल सारथीमा सम्पन्न उक्त कार्यशालाले आगामी ४ वर्षमा थप १० हजार व्यक्तिहरु सहित जम्मा ३२ हजार सदस्यहरुमा संस्थाको सेवा विस्तार गर्ने, कुल ५ अर्बको सम्पत्ति मार्फत सदस्यहरुमा आर्थिक, सामाजिक, सांस्कृतिक र पर्यावरणीय सशक्तिकरणको कार्यहरु गर्ने, नयाँ ऐन, कानून र नियामकीय कार्यढाँचामा संस्थालाई अनुकलन सहित सदस्यहरुको सुखी र समृद्ध जीवनको परिकल्पना गरेको साकोसका प्रमुख कार्यकारी अधिकृत कृष्ण कुमार श्रेष्ठले जानकारी गराउनुभयो । 

कार्यशालाको दौरान संस्थाले काभ्रे बनेपा स्थित संस्थाको भगिनी सम्बन्ध कायम भएको नेपालको नमुना संस्था विन्धवासिनी बचत तथा ऋण सहकारी संस्थाको अवलोकन भ्रमण गरी असल अभ्यास र अनुभवहरु साटासाट समेत गरेको थियो ।

रणनीतिक व्यवसायिक योजना निर्माण कार्यशालाको प्राविधिक सहजकर्तामा नेफ्स्कूनका प्राचार्य बल्लभ तिमिल्सीना र बरिष्ठ अधिकृत प्रेम वाग्ले रहनुभएको थियो ।