काठमाडौं । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले टल्कु बचत तथा ऋण सहकारी संस्था लि, दक्षिणकाली नगरपालिका–९  दाउरेचौर, काठमाडौंको  पुर्ण व्यावसायिक विकास कार्यक्रम प्रोवेसनको स्थलगत सुपरिवेक्षण कार्तिक १६ गते सम्पन्न गरेको छ । यो कार्यक्रम नेफ्स्कूनद्वारा सञ्चालित जोखिममा आधारित साकोस सुपरिवेक्षण तथा नियमित निरीक्षण अनुगमन कार्यक्रम (स्क्यान) अन्तर्गत गरिएको हो ।

अनुगमन कार्यमा  नेफ्स्कूनका तर्फबाट कार्यक्रम अधिकृत सोभीता मैनाली सहभागी रहनु भएको थियो । कार्यक्रममा संस्थाका अध्यक्ष पुर्ण बहादुर बलामी,व्यवस्थापक दिपक तामाङ तथा अन्य कर्मचारीको उपस्थिति रहेको थियो । स्थलगत सुपरिवेक्षणका क्रममा सहकारी संस्थाको संस्थागत सुदृढीकरण, वित्तीय पारदर्शिता, सुशासन, सदस्य हित सुनिश्चितता, जोखिम व्यवस्थापन र आन्तरिक नियन्त्रण प्रणालीका पक्षहरूमा विशेष ध्यान दिइएको थियो। अनुगमनमा संस्थाको नियमावली, कर्जा तथा बचत कार्यक्रम, ब्याजदर, लेखा प्रणाली, सम्पत्ति शुद्धिकरण निवारण नीति, नियामक निकायका निर्देशनको कार्यान्वयन, तथा भाखा नाघेका ऋण असुलीका अवस्थाहरूको पनि समीक्षा भएको थियो ।

अनुगमनमा सहकारीको समग्र कार्यप्रणाली अध्ययन गरी संस्थागत सुधारका लागि विभिन्न सुझाव र रायहरू प्रस्तुत गरिएको थियो । त्यस क्रममा अघिल्ला अनुगमनमा दिइएका सुझावहरू समेत प्रोवेसन कार्यदलमा विस्तृत छलफल गरी संचालक समितिमा पेश गरी कार्यान्वयन गर्न सिफारिस गरिएको छ । संस्थाले यस्ता अनुगमन तथा सुपरिवेक्षण कार्यक्रमहरूले सहकारीहरूको कार्यदक्षता, पारदर्शिता, सुशासन र जोखिम न्यूनीकरणमा महत्वपूर्ण योगदान पुर्याइरहेको जनाएको छ ।