मोरगं । एकता भलुवा बचत तथा ऋण सहकारी संस्था लिमिटेड केराबारी गांउपालिका वडा न. ९, भलुवा,मोरगं को नेपाल बचत तथा ऋण केन्द्रीय सहकारी संघ लिमिटेड नेफ्स्कूनद्धारा संचालित नियमित स्थलगत सुपरिवेक्षण मंसिर २३ गते सम्पन्न भएको छ ।

सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभाबकारी रुपमा अघि बढाइएको हो । सुपरिवेक्षणको उद्देश्य सहकारीहरूलाई राज्य तथा नियामक निकायसँग समन्वय गर्दै नीति, निर्देशिका, मापदण्ड र कार्यविधिको प्रभावकारी कार्यान्वयनमा सक्षम बनाउनु, सदस्यहरूको आर्थिक सशक्तिकरणलाई प्रोत्साहन गर्नु र बचतकर्तामा विश्वास अभिवृद्धि गर्नु रहेको छ। निरीक्षणमा संस्थाको शेयर, बचत तथा ऋण व्यवस्थापन, सदस्यता प्रणाली, आन्तरिक सुशासन, लेखा प्रणाली, सूचना प्रविधि, सुरक्षण, एम। आई. एस. अद्यावधिक, सम्पत्ति शुद्धिकरण निवारण नीति  र भाखा नाघेका ऋण असुलीकाको शुक्ष्म मूल्यांकन गरिएको थियो। 

नेफ्स्कूनको तर्फबाट कार्यक्रम अधिकृत मुकेश दाहाल र अनुगमन सहायक डिल्लिराम तिम्सिना द्धारा साकोसको स्थलगत सुपरिबेक्षण सम्पन्न भएको छ ।  संस्थाको तर्फबाट कार्यदल संयोजक निर्मला पोख्रेल सदस्यहरु तथा ब्यबस्थापक देविप्रसाद घिमिरेका साथै ब्यवस्थापनका कर्मचारीहरुको उपस्थिति रहेको थियो । संघको तर्फबाट साकोसलाई दिएको सुझाबलाई कार्यदलले सुधारउन्मुख हुँदै जाने प्रतिबद्धताका साथ आगामि दिनमा संघले सुरु गरेको स्क्यान कार्यक्रमको बिषयमा संचालक समितिको बैठकमा छलफल गरि कार्यान्वयन हुने बिश्वास ब्यक्त गर्नुभयको छ।