काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) सदस्य सेवा कार्यालय कलंकी काठमाडौकोे आयोजनामा १ दिवशीय सहकारीमा वित्तीय व्यवस्थापनका लागि पूँजी पर्याप्तता विश्लेषण तालिम मंसिर २६ गते सम्पन्न भएको छ । 

तालिममा कलंकी क्षेत्रका दक्षिणकाली नगरपालिका, चन्द्रागिरी नगरपालिका नार्गाजुन नगरपालिका र का.म.न.पा का विभिन्न साकोसका अध्यक्ष, तथा व्यवस्थापक, लेखापाल र वित्त सहायक गरि १९ जनाको सहभागिता रहेको थियो । 

एक दिवशीय पूँजी पर्याप्तता विश्लेषण तालिमको सहजिकरण एफ सि ए राज कुमार फुयालले गर्नु भएको थियो, तालिमको सहजिकरण प्रशिक्षक राजकुमार फुयालले पूँजि कोष गणना विधि, जोखिम भारित सम्पत्तिको गणना विधिको प्रयोगात्मक रुपमा अभ्यास गराउदै सहकारी प्राधिकरण का पूँजि कोष सम्बन्धि जारी गरिएको मापदण्ड, दण्ड सजाय आदि विषयमा समेत  छलफल गरिएको थियो । 

तालिममा सहभागीको तर्फबाट गढिमाई साकोसकी व्यवस्थापक गिता गिरी र स्युचाटार साकोसका प्रमुख कार्यकारी अधिकृत मधुकर काफ्ले ले समय सान्र्दभिक विषयमा तालिम आयोजना भएको र पूँजी पर्याप्तता गणना विधि एकदमै सजिलो ढंगबाट सिकाई भएको र यस किसिमका समायानुकूल विषयमा केन्द्रिय संघको सहजिकरण तथा आयोजनाको तिव्र प्रतिक्षा रहेको भन्दै सहजकर्ता र आयोजक कलंकी सदस्य सेवा कार्यालय लाई सम्पुर्ण सहभागिको तर्फबाट धन्यवाद व्यक्त गर्नु भयो ।  कार्यक्रम संचालन कलंकी सदस्य सेवा कार्यालयका ईन्चार्ज मनोज कार्कीले गर्नु भएको थियो भने व्यवस्थापन दिपेश अधिकारीले गर्नुभएको थियो ।