सुर्खेत । भेरीगंगा नगरपालिका–११, रामघाट, सुर्खेतमा अवस्थित शिखर बचत तथा ऋण सहकारी संस्था लिमिटेडले स्थापना भएको २५ वर्ष पूरा गरेको अवसरमा रजत जयन्ती कार्यक्रम पौष १७ गते मनाएको छ ।

संस्थाका अध्यक्ष भूपेन्द्र बहादुर सिंहको अध्यक्षता तथा संस्थापक अध्यक्ष सुरेन्द्र सिंह ठकुरीको प्रमुख आतिथ्यतामा कार्यक्रम सम्पन्न भएको हो । रजत जयन्तीको अवसरमा संस्थाको मुख्य कार्यालय परिसरमा संस्थापक सदस्यहरूको नामावली समावेश गरिएको स्मारक निर्माणका लागि संस्थापक अध्यक्ष ठकुरीले शिलान्यास गर्नुभएको थियो ।

कार्यक्रममा संस्थाका सल्लाहकारहरू, सञ्चालक समिति तथा लेखा सुपरिवेक्षण समितिका पदाधिकारी एवं सदस्यहरू, विभिन्न उपसमितिका सदस्यहरू, संकलन केन्द्र व्यवस्थापन उपसमितिका सदस्यहरू, छाता संगठनका प्रतिनिधिहरू, कर्मचारीहरू तथा साधारण सदस्यहरूको उल्लेखनीय उपस्थिति रहेको थियो ।

२५औँ रजत जयन्तीका अवसरमा ३९ जना संस्थापक सदस्य, १७ जना ज्येष्ठ सदस्य, २ जना उत्कृष्ट विद्यार्थी तथा विभिन्न शीर्षकमा उत्कृष्ट कारोबार गर्ने १५ जना सदस्यलाई सम्मान गरिएको संस्थाका सूचना अधिकारी खड्क बहादुर शाहीले जानकारी दिनुभएको छ ।