काठमाडौं । राष्ट्रिय सहकारी नियमन प्राधिकरणले बचत तथा ऋणको मुख्य कारोबार गर्ने सहकारी संस्थाको दर्ता तथा अभिलेखीकरणको समयावधि ३० दिन थप गरेको छ।

प्राधिकरणले जारी गरेको सूचनाअनुसार सहकारी संस्थाको दर्ता अभिलेखीकरण मापदण्ड, २०८२ बमोजिम सहकारी संस्थाको दर्ता तथा विवरण प्रविष्ट गर्ने कार्य २०८२ मंसिर १० गतेदेखि सुरु भएको थियो र सोको अन्तिम म्याद माघ १० गते तोकिएको थियो।

तर, तोकिएको अवधिभित्र सबै सहकारी संस्थाले विवरण प्रविष्ट गर्न नसक्ने तथा विवरण प्रविष्टिको कार्य निरन्तर रहेको कारण प्राधिकरणको २०८२ माघ ७ गतेको निर्णयअनुसार दर्ता तथा अभिलेखीकरणको समयावधि फागुन ११ गतेसम्म थप गरिएको हो।

प्राधिकरणले सम्बन्धित सबै सहकारी संस्थालाई तोकिएको थप गरिएको अवधिभित्र अनिवार्य रूपमा विवरण प्रविष्ट गर्न आग्रह गरेको छ।