चितवन । नेपाल बचत तथा ऋण केन्द्रीय सहकारी संघ लि. (नेफ्स्कून) चितवन सदस्य सेवा कार्यालयको आयोजनामा सम्पत्ति शुद्दिकरण निवारण दिवसको अवसरमा सम्पत्ति शुद्दिकरण निवारण तालिम माघ १५ गते सम्पन्न गरेको छ । 

तालिममा गोएमएल मा साकोस दर्ता गरी कसरी प्रतिबेदन प्रविष्ठ गर्ने कुराको प्रयोगात्मक सहजीकरण गरिएको थियो । नेफ्स्कूनका अध्यक्ष चन्द्र प्रसाद ढकालले तालिमको महत्व, बचत तथा ऋणको कारोबार गर्ने सस्थाहरुले राष्ट्रिय सहकारी नियमन प्राधिकरणमा दर्ता भएर दर्ताको प्रमाणपत्र लिएर सहकारी सञ्चालन गर्नुपर्ने र नेफ्स्कूनका सदस्यहरुलाई नेफ्स्कूनद्धारा सञ्चालित नियमीत निरीक्षण तथा अनुगमन कार्यक्रममा अनिवार्य सहभागी हुनुपर्ने जानकारी गराउनुभयको थियो ।

तालिममा चितवन र नवलपुरका ५७ वटा साकोसबाट ७० भन्दा बढीको सहभागिता रहेको थियो ।  समापन कार्यक्रममा नेफ्स्कूनका उपाध्यक्ष शान्ति अधिकारी, सचांलक गोपाल प्रसाद गौतम र सदस्य सेवा ब्यवस्थापन उपसमिती सदस्य रामशरन शिलवाल को उपस्थिती रहेको थियो । तालिमको समापनमा शान्ति अधिकारीले तालिम समय सापेक्ष सदस्यको मागद्धारा सञ्चालन गरिएको तालिममा सिकेका कुराहरु साकोसमा गएर  कार्यान्वयन गर्नुपर्ने बताउनुभयो ।

तालिमको सहजीकरण एफ सीए राजकुमार फुया्लले गर्नुभएको थियो भने कार्यक्रमको ब्यवस्थापन चितवन सदस्य सेवा कार्यालय ईन्चार्ज यमकला सुबेदीले र कार्यक्रम सञ्चालन केदारनाथ अधिकारीले गर्नुभएको थियो ।