सुनसरी । बराहक्षेत्र नगरपालिका १०, सुनसरी स्थित सुनसरी पिपलबोटे बचत तथा ऋण सहकारी संस्था लि. ले  नेपाल बचत तथा ऋण केन्द्रीय सहकारी संघ लि. (नेफ्स्कून) को नियमित निरिक्षण तथा अनुगमन ‘स्क्यान’ कार्यक्रममा माघ १८ गते आबद्धता जनाएको छ । 

नेपाल बचत तथा ऋण केन्द्रीय सहकारी संघ लि.ले संघ र संस्थाहरुको नियमित रुपमा निरीक्षण तथा अनुगमन गरी जोखिमको स्तर निर्धारण, जोखिम व्यवस्थापन र गुणस्तर सुनिश्चित गर्न, स्तरीकरण कार्यक्रम एक्सेस, प्रोवेसन तथा कब्र्स गुणस्तर सुनिश्चितता, जोखिम सुपरिवेक्षण, व्यवस्थापकीय क्षमता विकास, स्वनियमन सक्षमता विकासको लागि नयाँ परिमार्जन कार्यक्रम स्क्यान ल्याएको हो ।

स्क्यान कार्यक्रम मार्फत साकोसहरूको वित्तीय सुशासन प्रबर्धन, सम्पत्ति शुद्धिकरण सम्बन्धी प्रतिवेदन तोकिए बमोजिम सम्बन्धित निकायमा पेश गर्ने प्रणालीको प्रभावकारी कार्यान्वयन, भाखा नाघेको ऋण असुलीमा सुधार, जोखिम व्यवस्थापन तथा सक्षमता विकास गर्ने लक्ष्य लिइएको छ । साथै गुणस्तर सुनिश्चितता कार्यक्रम मार्फत ब्रान्ड प्राप्ति, योजनाबद्ध रूपमा साकोस सञ्चालन, सहकारीमैत्री व्यवस्थापन, क्युरिमा ३६० अनुसार क्षेत्रगत जोखिम न्यूनीकरण तथा सदस्यहरूको बचतलाई सुरक्षित र स्वस्थ बनाउने विशिष्ट उद्देश्य सहित कार्यक्रम लागू गरिएको हो ।

पिपलबोटे साकोसका अध्यक्ष बद्री कुमार बुढाथोकी, उपाध्यक्ष रामबाबु रौनिहार, सचिव रुप नारायण दाहाल, कोषाध्यक्ष पुष्कर राज पाण्डे, नेफ्स्कूनका कार्यक्रम अधिकृत मुकेश दाहाल, सहजकर्ता डिल्लीराम तिम्सिनाको रोहबरमा संस्थाका ब्यबस्थापक लाल बहादुर कार्की तथा संघका सदस्य सेवा विभाग प्रमुख दुर्गा प्रसाद ढकालको हस्ताक्षरमा सम्झौता सम्पन्न भएको थियो ।