सुनसरी । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) द्वारा ग्रामथान २, झोराहाट मोरगं स्थित रेमिट बचत तथा ऋण सहकारी संस्था लि. संग स्क्यान कार्यक्रम सम्झौता माघ २० गते सम्पन्न भएको छ । 

संघले सहकारी संस्थाहरूमा पारदर्शिता, उत्तरदायित्व, सदस्य हितको सुनिश्चितता, जोखिम न्यूनीकरण, सुशासन र दिगोपनाको प्रबर्धन गर्ने उद्देश्यले आफ्ना सदस्य संघ संस्थाहरुको लागि स्क्यान कार्यक्रम सञ्चालनमा ल्याई स्थलगत सुपरीवेक्षण कार्यलाई निरन्तर रूपमा अघि बढाइरहेको छ ।

संघले साकोसको नियमित सुपरिवेक्षण र स्तरीकरणका लागि आवश्यक विभिन्न सूचकहरू आन्तरिक कार्यविधि तर्जुमा, सदस्यमैत्री उत्पादनका सेवाहरु, आवधिक योजना, सम्पत्ति शुद्धिकरण निवारण कार्यविधि, नियामक निकायका निर्देशनहरूको पालना, भाखा नाघेका ऋणको असुली, पूँजी प्रर्याप्तता अनुपात, सुचना प्रविधि व्यवस्थापन लगायतका विषयमा विस्तृत मूल्याङ्कनको कार्य गर्नेछ । साकोसको कानूनी जोखिम, वित्तीय जोखिम, ऋण जोखिम, तरलता जोखिम, सञ्चालन तथा सुशासन सम्बन्धी जोखिम, प्रविधि जोखिमहरूमा केन्द्रित रही संस्थाको समग्र जोखिम न्यूनीकरणका लागि व्यवहारिक सुधारका लागि यो कार्यक्रम ल्याएको हो ।

संघ र साकोस बिच स्क्यान कार्यक्रम सम्झौताका क्रममा साकोसका तर्फबाट साकोसका अध्यक्ष उमा घिमिरे,कोषाध्यक्ष साबित्रा खतिवडा,सचिब दिक्षा आचार्य  र ब्यवस्थापक आस्था भट्टराई साथै नेफ्स्कूनका तर्फबाट कार्यक्रम अधिकृत मुकेश दाहाल र सहजकर्ता बिन्दा भटराईको उपस्थिति रहेको थियो । साकोसका अध्यक्षले यस साकोसले बिगतमा कर्वस कार्यक्रमको अभ्यास गरिरहेकोमा अब स्क्यान कार्यक्रमबाट थप सिकाईका साथ साकोस अगाडि बढ्ने बिश्वास ब्यक्त गर्नुभयो ।